Llys Rhosyr

Llys pwysig i Dywysogion Gwynedd yn yr Oesoedd Canol

Llys Rhosyr ger Niwbwrch yw’r unig un o Lysoedd Tywysogion Cymru sydd ag olion gweladwy y gall y cyhoedd ymweld â nhw. Adlewyrchir arwyddocâd diwylliannol y safle gan y ffaith fod Cadw wedi’i ddynodi fel heneb gofrestredig. Bellach dyma heneb rhif 131 a fydd yn cael gofal uniongyrchol gan Cadw.

Mae llysoedd brenhinol Tywysogion Gwynedd ymhlith cyfadeiladau seciwlar pwysicaf yr Oesoedd Canol yng Nghymru. Er bod safleoedd llysoedd eraill yn hysbys o ddogfennau neu bod awgrym yn eu cylch yn sgil gwaith cloddio rhannol, Llys Rhosyr yw'r unig un o Lysoedd Tywysogion Cymru sydd heb amddiffynfeydd ac a gadarnhawyd trwy gloddio archaeolegol