Rydym ni’n defnyddio JavaScript i osod y rhan fwyaf o’n cwcis. Yn anffodus, nid yw JavaScript yn rhedeg ar eich porwr, felly ni allwch newid eich gosodiadau trwy ddefnyddio’r dudalen hon. I reoli eich gosodiadau cwcis trwy ddefnyddio’r dudalen hon, rhowch gynnig ar droi JavaScript ymlaen yn eich porwr.

Gwybodaeth am gwcis

Rydym wedi arbed rhai ffeiliau o’r enw cwcis i’ch dyfais. Mae’r cwcis hyn:

  • yn hanfodol i waith y safle
  • yn helpu gwella’n gwefan trwy gasglu gwybodaeth ac adrodd am sut rydych chi’n ei defnyddio

Hefyd, hoffem arbed rhai cwcis i helpu:

  • gwella ein gwefan trwy fesur y defnydd o’n gwefan
  • cofio eich gosodiadau
Newid gosodiadau cwcis

Rydych chi wedi derbyn yr holl gwcis ar gyfer y wefan hon. Gallwch newid eich dewisiadau ar gyfer cwcis unrhyw bryd.

Beth? Taith gerdded hamddenol 5km ar hyd glan gorllewinol afon Gwy gan ymweld ag Abaty Sistersaidd godidog ar y ffordd

Ble? Tyndyrn, Sir Fynwy

Safle Cadw i’w weld: Abaty Tyndyrn

Y lle gorau i’w rannu ar Instagram: mae’n werth galw yng nghorff yr Abaty i gael lluniau sy’n werth eu rhannu ar Instagram — gyda bwâu bendigedig a ffenestr ganoloesol amheuthun.

Mae Abaty Tyndyrn wedi’i lleoli yng nghalon Dyffryn Gwy. Dyma’r abaty canoloesol sydd yn y cyflwr gorau yng Nghymru, ac mae’n enwog am fod yn lle braf i ymwelwyr fwynhau llonydd a thawelwch.

Ewch am dro i'r safle hyfryd i ddechrau, cyn mynd am dro cerdded hamddenol am awr a hanner ar hyd glan gorllewinol afon Gwy a drwy’r coetir cyfagos nes cyrraedd Pulpud y Diafol.

Mae golygfeydd bendigedig i’w gweld o’r abaty urddasol tu draw i falconi calch naturiol y ‘pulpud’, sydd mewn Ardal o Harddwch Naturiol Eithriadol. Dyma’r lle perffaith i gael llun i’w roi ar Instagram.

Ymlaciwch wedyn drwy gael tamaid i’w fwyta yn y dafarn leol, yr Anchor Inn. Dim ond tafliad carreg o’r safle llawn swyn y mae’r dafarn-gastro hon, lle mae digon o le cysurus i chi eistedd y tu mewn a’r tu allan — a digon o olygfeydd godidog o gefn gwlad o amgylch hefyd.

Os hoffech aros am benwythnos o ymlacio, beth am roi eich traed i fyny yn Beaufort Cottage — bwthyn moethus sydd wedi cael ei adnewyddu’n hyfryd ar dir yr Abaty, sydd hefyd yn cynnwys hen greiriau a thrawstiau o’r 18fed ganrif.