Rydym ni’n defnyddio JavaScript i osod y rhan fwyaf o’n cwcis. Yn anffodus, nid yw JavaScript yn rhedeg ar eich porwr, felly ni allwch newid eich gosodiadau trwy ddefnyddio’r dudalen hon. I reoli eich gosodiadau cwcis trwy ddefnyddio’r dudalen hon, rhowch gynnig ar droi JavaScript ymlaen yn eich porwr.

Gwybodaeth am gwcis

Rydym wedi arbed rhai ffeiliau o’r enw cwcis i’ch dyfais. Mae’r cwcis hyn:

  • yn hanfodol i waith y safle
  • yn helpu gwella’n gwefan trwy gasglu gwybodaeth ac adrodd am sut rydych chi’n ei defnyddio

Hefyd, hoffem arbed rhai cwcis i helpu:

  • gwella ein gwefan trwy fesur y defnydd o’n gwefan
  • cofio eich gosodiadau
Newid gosodiadau cwcis

Rydych chi wedi derbyn yr holl gwcis ar gyfer y wefan hon. Gallwch newid eich dewisiadau ar gyfer cwcis unrhyw bryd.

Beth? Taith i galon y diwydiant haearn a glo yn y cymoedd.

Ble? Blaenafon

Safle Cadw i’w weld: Gwaith Haearn Blaenafon

Y lle gorau i’w rannu ar Instagram: y Tŵr Cydbwyso — o bosib y nodwedd bensaernïol fwyaf eiconig yng Ngwaith Haearn Blaenafon a lle gwych i dynnu llun i gofio am eich ymweliad.

Mae Gwaith Haearn Blaenafon yn rhan o Dirwedd Ddiwydiannol Safle Treftadaeth y Byd UNESCO Blaenafon. Dechreuodd y gwaith ar y safle yn 1789 a dyma’r ffwrnais chwyth sydd yn y cyflwr gorau yn y byd o’r cyfnod hwn. Mae’n un o’r henebion pwysicaf i oroesi o’r Chwyldro Diwydiannol.

Felly pa le gwell i ddechrau ar eich siwrnai drwy Flaenafon?

Dechreuwch drwy fynd i weld gweddillion helaeth y ffwrneisi chwyth, y tai cast, bythynnod y gweithwyr a’r Tŵr Cydbwyso Dŵr sydd wedi cael ei adfer yn wych, a dysgu am arwyddocâd rhyngwladol y diwydiant haearn a’r prosesau gwyddonol sy’n gysylltiedig â chynhyrchu haearn.

O fan hyn, gallwch gerdded, gyrru neu feicio i’r Big Pit, Amgueddfa Lofaol Cymru, lle gallwch chi gerdded yn ôl traed glowyr o'r gorffennol a rhoi cynnig ar brofiad rhith-wirionedd 360⁰ y dref — sy’n caniatáu i chi brofi sut oedd bywyd yn Safle Treftadaeth y Byd Blaenafon yn ystod y 19eg ganrif a’r 20fed ganrif. 

Dewch â’ch diwrnod i ben drwy ymweld â chynhyrchwyr caws lleol sydd wedi ennill gwobrau, Blaenavon Cheddar Company. Beth am roi cynnig ar ddipio eich caws eich hun?

Cewch gyfle i flasu llu o wahanol gawsiau sy’n unigryw i Flaenafon, o gaws Cheddar Black Gold Pwll Mawr sy’n edrych yn ddu ac sydd wedi’i aeddfedu 300 troedfedd o dan y ddaear mewn twll yn y Big Pit, i gaws Cheddar Bara Brith — rysáit bara brith traddodiadol gyda resins blasus a ffrwythau cymysg wedi’u mwydo â gwirodlyn 'Black Mountain'.