Rydym ni’n defnyddio JavaScript i osod y rhan fwyaf o’n cwcis. Yn anffodus, nid yw JavaScript yn rhedeg ar eich porwr, felly ni allwch newid eich gosodiadau trwy ddefnyddio’r dudalen hon. I reoli eich gosodiadau cwcis trwy ddefnyddio’r dudalen hon, rhowch gynnig ar droi JavaScript ymlaen yn eich porwr.

Gwybodaeth am gwcis

Rydym wedi arbed rhai ffeiliau o’r enw cwcis i’ch dyfais. Mae’r cwcis hyn:

  • yn hanfodol i waith y safle
  • yn helpu gwella’n gwefan trwy gasglu gwybodaeth ac adrodd am sut rydych chi’n ei defnyddio

Hefyd, hoffem arbed rhai cwcis i helpu:

  • gwella ein gwefan trwy fesur y defnydd o’n gwefan
  • cofio eich gosodiadau
Newid gosodiadau cwcis

Rydych chi wedi derbyn yr holl gwcis ar gyfer y wefan hon. Gallwch newid eich dewisiadau ar gyfer cwcis unrhyw bryd.

Beth? Crwydro yn y car i weld dau gastell, afon a thraeth — popeth o fewn 12 milltir i'w gilydd

Ble? Sir Ddinbych

Safle Cadw i’w weld: Castell Rhuddlan a Chastell Dinbych

Y lle gorau i’w rannu ar Instagram: Castell Rhuddlan o lan afon Clwyd.

Os ydych chi eisiau blino’r rhai bach am ddiwrnod, gallai'r daith hon fod yn addas iawn i chi.

Dechreuwch eich diwrnod yng Nghastell Dinbych, lle gall y plant archwilio pob twll a chornel a cheisio dod o hyd i’r corbelau diddorol sydd wedi’u cerfio yn y siambrau gwyrdd. Ac yna beth am fwynhau picnic ar borfa’r ward fewnol cyn mynd i Gastell Rhuddlan?

Ar ôl crwydro Castell Dinbych, ewch yn y car i Gastell Rhuddlan, sydd — oherwydd y rhaglen brysur o ddigwyddiadau — yn un o’r safleoedd gorau sydd gan Cadw i blant.  Yma, gallwch chi a’r plant ddysgu mwy am bensaernïaeth cestyll canoloesol a phrif bensaer Edward I, James o St George.

Gellir cael cylchdaith braf o gwmpas y castell wedyn, drwy groesi'r ffos. Ar eich taith deuluol, cofiwch groesi afon Clwyd a thynnu'r llun hollbwysig o flaen y Castell, fel sydd i'w weld yn llawlyfr y safle.

Gorffennwch y prynhawn drwy fynd yn y car ar y daith fer i Draeth Dwyrain y Rhyl, lle gall y teulu cyfan fwynhau diwrnod traddodiadol ar lan y môr, gyda hufen iâ a chestyll tywod.

Beth am herio'r plant i greu eu cestyll consentrig eu hunain?!