Rydym ni’n defnyddio JavaScript i osod y rhan fwyaf o’n cwcis. Yn anffodus, nid yw JavaScript yn rhedeg ar eich porwr, felly ni allwch newid eich gosodiadau trwy ddefnyddio’r dudalen hon. I reoli eich gosodiadau cwcis trwy ddefnyddio’r dudalen hon, rhowch gynnig ar droi JavaScript ymlaen yn eich porwr.

Gwybodaeth am gwcis

Rydym wedi arbed rhai ffeiliau o’r enw cwcis i’ch dyfais. Mae’r cwcis hyn:

  • yn hanfodol i waith y safle
  • yn helpu gwella’n gwefan trwy gasglu gwybodaeth ac adrodd am sut rydych chi’n ei defnyddio

Hefyd, hoffem arbed rhai cwcis i helpu:

  • gwella ein gwefan trwy fesur y defnydd o’n gwefan
  • cofio eich gosodiadau
Newid gosodiadau cwcis

Rydych chi wedi derbyn yr holl gwcis ar gyfer y wefan hon. Gallwch newid eich dewisiadau ar gyfer cwcis unrhyw bryd.

Beth? Dewch i ddysgu am hanes Gwenllian a Gardd Fotaneg Genedlaethol Cymru

Ble? Sir Gaerfyrddin

Safleoedd Cadw i’w gweld: Castell Cydweli a Chastell Dinefwr

Y lle gorau i’w rannu ar Instagram: Ffenestr porthdy’r Castell sy’n edrych allan tuag at eglwys ganoloesol Cydweli — llecyn tawel gyda digon o seddau sy’n dyddio o'r 12fed ganrif i chi gael y llun perffaith o’r teulu.

Mae Castell Cydweli yn heneb enfawr a mawreddog sy’n dyddio o gyfnod grym y Normaniaid. Mae’r gaer fendigedig hon sydd wedi’i lleoli uwch afon Gwendraeth yn wirioneddol werth ei gweld.

Y tu allan i’r porthdy mae cofeb i’r Dywysoges Ryfelgar o Gymru, Gwenllian, a fu farw mewn brwydr wrth geisio achub ei gwlad rhag goresgyniad y Normaniaid yn 1136. Dewch i ddarganfod hanes y ffeminist gwreiddiol hon a’i gwaddol ar dir y Castell — merch gref a fydd yn sicr o ysbrydoli’r plant.

Dim ond i chi gerdded am ugain munud, byddwch yn cyrraedd Cei Cydweli, sy’n gartref i gamlas hynaf Cymru — Camlas Kymer. Ewch ati i fwynhau taith gerdded yn y prynhawn ar hyd llwybr y gamlas a mynd o amgylch canol y dref cyn mynd i Ardd Fotaneg Genedlaethol Cymru.

Mewn lleoliad hyfryd yng nghefn gwlad Caerfyrddin, mae’r Ardd yn gartref i’r tŷ gwydr un-rhychwant mwyaf yn y byd, Y Tŷ Trofannol, Canolfan Adar Ysglyfaethus Prydain a llawer mwy i ddiddanu'r teulu cyfan. Mae’r ardd 25 munud i ffwrdd o Gydweli mewn car.

Os bydd gennych chi amser, beth am orffen eich diwrnod drwy ymweld â Chastell Dinefwr — safle mawreddog arall sy’n edrych dros Ddyffryn Tywi.