Barics Rhufeinig Caerllion

NP18 1NF
Maes parcio
Polisi dronau
Croeso i gŵn

Mae’r barics hyn, a adeiladwyd ar gyfer milwyr Rhufeunig Caerllion (Isca), yn dangos pa mor gyfyng ond trefnus oedd bywyd llengfilwyr yr ymerodraeth.

Cafodd y safle ei gloddio gan archeolegwyr yn yr 1920au, ond dim ond yr adeilad cyntaf sy’n furiau Rhufeinig gwreiddiol; atgynhyrchiadau yw’r muriau eraill sydd ar y lefel uwch.

Mae’r barics ochr yn ochr mewn rhesi hir, gyda deuddeg pâr o ystafelloedd bychain ar gyfer y llengfilwyr, ac ystafelloedd mwy ar y pen ar gyfer y canwriad a’i staff. Byddai grŵp o wyth milwr yn rhannu pob pâr o ystafelloedd, gan gysgu yn yr ystafell fwyaf a chadw’u hoffer yn yr ystafell lai.

Amseroedd agor a phrisiau

Amseroedd agor

1st Ebrill - 31st Mawrth	Ar agor drwy’r flwyddyn
Ar agor drwy’r flwyddyn yng ngolau dydd

Gwybodaeth i ymwelwyr

Maes parcio

Maes parcio cyhoeddus gyferbyn â’r barics ar Cold Bath Road, neu ger yr amffitheatr ar Broadway.

Croeso i gŵn

Mae croeso i gŵn ar dennyn gael mynediad i lefelau llawr gwaelod y safle.

Anhawster cerdded

Tirwedd: Lefel 2 – Hawdd

Dim ysmygu

Ni chaniateir ysmygu.

Polisi dronau

Darllenwch ein polisi dronau am y wybodaeth ddiweddaraf am hedfan yn henebion Cadw: darllenwch y canllawiau

Iechyd a Diogelwch

Dim staff - Fodd bynnag, gellir dod o hyd i staff Cadw yn y Baddonau Rhufeinig.

Mae'r amffitheatr a'r barics ar ddau safle gwahanol, a dyma’r enghraifft orau yng Nghymru o fywyd preswyl a chymdeithasol y Rhufeiniaid.

Fe ddewch o hyd i’r barics drwy ddilyn y llwybr gwastad ger yr ysgol gyfun. Byddwch yn ofalus wrth gerdded drwodd gan fod proffiliau'r waliau isel yn dal yno a gallent achosi perygl o ran baglu.

Mae'r amffitheatr yn caniatáu mynediad o amgylch ei strwythur cyfan. Gofynnwn i chi gadw draw o ymylon yr amffitheatr gan fod risg o syrthio o uchder.

Cymerwch ofal wrth ddefnyddio'r grisiau i lawr i ardal ganolog yr amffitheatr, gan fod rhai ohonynt yn anghyflawn.

Gall y ddaear fod yn llithrig a mwdlyd os byddwch yn ymweld mewn tywydd gwael. Er mwyn diogelu'r tir yn ystod tywydd eithafol, mae angen i ni gyfyngu mynediad yn aml; gwiriwch gyda Baddonau Rhufeinig Caerllion os ydych chi'n ymweld yn ystod tywydd gwael.
Ffôn: 03000 252239
E-bost: CaerleonFortressBaths@llyw.cymru

Fel gyda phob heneb hynafol mae perygl bob amser i gerrig ddod yn rhydd mewn tywydd gwael. Fodd bynnag, rydym yn rheoli hyn trwy fonitro trylwyr.

Gall dringo arwain at anaf difrifol.

Mae yna nifer o blanhigion a blodau gwyllt, ac er bod y rhain yn beillwyr gwych gallant fod yn wenwynig i ymwelwyr ac anifeiliaid; rydym yn eich cynghori'n gryf i beidio â chyffwrdd na chaniatáu i gŵn fwyta unrhyw lystyfiant.

Gwyliwch ein ffilm iechyd a diogelwch cyn ymweld â safleoedd Cadw.

Iechyd a Diogelwch / Health and Safety

Rhowch wybod am unrhyw ymddygiad gwrthgymdeithasol fel dringo, graffiti ac ati i CadwAccidentsReports@llyw.cymru

Mae’r arwyddion canlynol i’w gweld o amgylch y safle mewn ardaloedd risg allweddol, cymerwch sylw ohonynt lle bo’n briodol.