Castell Casnewydd

NP20 1DA
Croeso i gŵn
Polisi dronau
Dim ysmygu

Olion terfynol caer glan dŵr arwyddocaol

Er bod y ddinas fodern wedi’i lyncu bellach i raddau helaeth, cewch syniad o fawredd Castell Casnewydd o hyd o’i weld o’r bont ar draws Afon Wysg. Oddi yma, daw ei dŵr canolog gyda doc dŵr i’r golwg, rhwng dau dŵr pellach sy’n nodi pennau gogleddol a deheuol y gaer.

Yn wreiddiol, amgylchynwyd murlen y castell gan ffos ddofn, a lenwyd â dŵr yn ystod penllanw – un o fanteision allweddol ei safle glan afon. Adeiladwyd y castell yn y 14eg ganrif, gan ddisodli castell tomen a beili cynharach yn agos i’r gadeirlan yn Stow Hill.

Amseroedd agor a phrisiau

Amseroedd agor

1st Ebrill - 31st Mawrth	Gellir ei gweld o’r tu allan

Gwybodaeth i ymwelwyr

Croeso i gŵn

Mae croeso i gŵn ar dennyn gael mynediad i lefelau llawr gwaelod y safle.

Anhawster cerdded

Tirwedd: Lefel 2 – Hawdd

Polisi dronau

Dim ysmygu

Ni chaniateir ysmygu.

Iechyd a Diogelwch

Er bod ffens allanol yr heneb wedi'i chloi'n barhaol ar hyn o bryd, rydych chi'n dal i allu gweld yr heneb o'r tu allan i'r brif fynedfa ac ar y bont. Mae palmant cul yn arwain i'r castell ac oddi yno. Mae'r bont yn cynnig golygfa anhygoel o broffil glan yr afon yr heneb. Mae tiroedd y castell yn dueddol o orlifo ar lanw uchel.

Nid oes parcio dynodedig ar gyfer y safle hwn. Mae'r heneb wrth ymyl priffordd brysur, byddwch yn ofalus o'r hyn sydd o’ch cwmpas chi wrth ymweld. Gallwch weld y castell yn ddiogel o’r palmant i gerddwyr sydd hefyd yn gwasanaethu mynedfa'r tanffordd i gerddwyr.

Fel gyda phob heneb hynafol mae perygl bob amser i gerrig ddod yn rhydd mewn tywydd gwael. Fodd bynnag, rydym yn rheoli hyn trwy fonitro trylwyr.

Gall dringo arwain at anaf difrifol.

Mae yna nifer o blanhigion a blodau gwyllt, ac er bod y rhain yn beillwyr gwych gallant fod yn wenwynig i ymwelwyr ac anifeiliaid; rydym yn eich cynghori'n gryf i beidio â chyffwrdd na chaniatáu i gŵn fwyta unrhyw lystyfiant.

Gwyliwch ein ffilm iechyd a diogelwch cyn ymweld â safleoedd Cadw.

Iechyd a Diogelwch / Health and Safety

Rhowch wybod am unrhyw ymddygiad gwrthgymdeithasol fel dringo, graffiti ac ati i CadwAccidentsReports@llyw.cymru

Mae’r arwyddion canlynol i’w gweld o amgylch y safle mewn ardaloedd risg allweddol, cymerwch sylw ohonynt lle bo’n briodol.

Cerrig yn disgyn

Dŵr dwfn

Wyneb llithrig neu anwastad

Toeau Isel

Cyfarwyddiadau

Google Map

Ffordd: B4591, Casnewydd.

Rheilffordd: Casnewydd, Canol tref Casnewydd. Am fwy o wybodaeth, cysylltwch â: Traveline Cymru ar 0800 464 0000 neu Ymholiadau Rheilffyrdd Cenedlaethol ar 03457 48 49 50

Beic: RBC Llwybr Rhif 47 Ar y Llwybr

Dim maes parcio dynodedig.

what3words: ///aeth.diolchodd.prennau