Amffitheatr Rufeinig Caerllion

NP18 1AY
Croeso i gŵn
Polisi dronau
Dim ysmygu

Adloniant Rhufeinig gwaedlyd ynghyd â chwedl Arthur

Wedi’i hadeiladu tua 90 OC i adlonni’r llengfilwyr a wasanaethai yng Nghaerllion (Isca), yr amffitheatr drawiadol hon oedd ateb y Rhufeiniaid i’r sinema aml-sgrin a gawn heddiw. Roedd meinciau pren yn cynnig seddi i hyd at 6,000 o wylwyr, a fyddai’n ymgasglu i wylio arddangosiadau gwaetgar yn cynnwys gornestau gladiatoraidd ac anifeiliaid gwyllt egsotig.

Yn hir ar ôl i’r Rhufeiniaid ymadael, cafodd yr amffitheatr ail wynt yn chwedl Arthur. Ysgrifennodd Sieffre o Fynwy, yr ysgolhaig go ddychmygus o’r 12fed ganrif, yn ei History of the Kings of Britain fod Arthur wedi’i goroni yng Nghaerllion ac mai gweddillion Bord Gron Brenin Arthur mewn gwirionedd yw adfail yr amffitheatr.

Amseroedd agor a phrisiau

Amseroedd agor

1st Mawrth - 30th Medi	10am - 5pm
1st Hydref - 28th Chwefror	10am - 4pm

Gwybodaeth i ymwelwyr

Canllaw mynediad

Darllenwch ein canllaw hygyrchedd i gael gwybodaeth am sut i gynllunio eich ymweliad.

Baddonau Rhufeinig Caerllion — Canllaw Mynediad

Croeso i gŵn

Mae croeso i gŵn ar dennyn gael mynediad i lefelau llawr gwaelod y safle.

Anhawster cerdded

Tirwedd: Lefel 2 – Hawdd

Polisi dronau

Darllenwch ein polisi dronau am y wybodaeth ddiweddaraf am hedfan yn henebion Cadw: darllenwch y canllawiau

Dim ysmygu

Ni chaniateir ysmygu.

Iechyd a Diogelwch

Dim staff - Fodd bynnag, gellir dod o hyd i staff Cadw yn y Baddonau Rhufeinig.

Mae'r amffitheatr a'r barics ar ddau safle gwahanol, a dyma’r enghraifft orau yng Nghymru o fywyd preswyl a chymdeithasol y Rhufeiniaid.

Fe ddewch o hyd i’r barics drwy ddilyn y llwybr gwastad ger yr ysgol gyfun. Byddwch yn ofalus wrth gerdded drwodd gan fod proffiliau'r waliau isel yn dal yno a gallent achosi perygl o ran baglu.

Mae'r amffitheatr yn caniatáu mynediad o amgylch ei strwythur cyfan. Gofynnwn i chi gadw draw o ymylon yr amffitheatr gan fod risg o syrthio o uchder.

Cymerwch ofal wrth ddefnyddio'r grisiau i lawr i ardal ganolog yr amffitheatr, gan fod rhai ohonynt yn anghyflawn.

Gall y ddaear fod yn llithrig a mwdlyd os byddwch yn ymweld mewn tywydd gwael. Er mwyn diogelu'r tir yn ystod tywydd eithafol, mae angen i ni gyfyngu mynediad yn aml; gwiriwch gyda Baddonau Rhufeinig Caerllion os ydych chi'n ymweld yn ystod tywydd gwael.
Ffôn: 03000 252239
E-bost: CaerleonFortressBaths@llyw.cymru

Fel gyda phob heneb hynafol mae perygl bob amser i gerrig ddod yn rhydd mewn tywydd gwael. Fodd bynnag, rydym yn rheoli hyn trwy fonitro trylwyr.

Gall dringo arwain at anaf difrifol.

Mae yna nifer o blanhigion a blodau gwyllt, ac er bod y rhain yn beillwyr gwych gallant fod yn wenwynig i ymwelwyr ac anifeiliaid; rydym yn eich cynghori'n gryf i beidio â chyffwrdd na chaniatáu i gŵn fwyta unrhyw lystyfiant.

Gwyliwch ein ffilm iechyd a diogelwch cyn ymweld â safleoedd Cadw.

Iechyd a Diogelwch / Health and Safety

Rhowch wybod am unrhyw ymddygiad gwrthgymdeithasol fel dringo, graffiti ac ati i CadwAccidentsReports@llyw.cymru

Mae’r arwyddion canlynol i’w gweld o amgylch y safle mewn ardaloedd risg allweddol, cymerwch sylw ohonynt lle bo’n briodol.