Beddrod Siambr Llugwy

Un o’r hoelion wyth

Golwg fathredig sydd ar Lugwy, fel petai ei meini cynhaliol yn cael eu haraf orfodi i’r ddaear gan ei maen capan anferth. Nid hynny mo’r gwir, er bod y beddrod hwn ymhlith y mwyaf ym Mhrydain, dan ei do carreg anferthol sydd 18 troedfedd/5.5m o hyd a 15 troedfedd/4.6m o led ac yn pwyso 25 tunnell, yn ôl pob tyb.

Buasai Llugwy, sy’n dyddio o ddiwedd yr oes Neolithig (Oes Newydd y Cerrig), wedi’i gorchuddio’n wreiddiol â thomen bridd. Pan gloddiwyd y beddrod ym 1908, canfuwyd esgyrn dynion, menywod a phlant ynghyd ag esgyrn anifeiliaid, cregyn, offer fflint, crochenwaith a phin asgwrn.

Amseroedd agor a phrisiau

Amseroedd agor

1st Ebrill - 31st Mawrth	10am-4pm
Mynediad olaf 30 munud cyn cau Ar gau 24, 25, 26 Rhagfyr a 1 Ionawr

Gwybodaeth i ymwelwyr

Anhawster cerdded

Tirwedd: Lefel 3 — Cymedrol

Polisi dronau

Dim ysmygu

Iechyd a Diogelwch

Rhaid bod yn ofalus a chymryd sylw wrth ymweld â'r heneb hon. Bydd yn agored i'r elfennau naturiol yn rheolaidd a gall fod yn llithrig neu'n fwdlyd o dan draed.

Rhaid i chi ystyried pa esgidiau sy’n addas ar gyfer y tymor a'r math o heneb cyn eich ymweliad. Dim ond yn ystod yr oriau agor penodol y gallwch fynd yno, mae'r rhain wedi'u dewis ar gyfer eich diogelwch h.y. lefel briodol o olau.

Mae llawer o'n henebion mewn lleoliadau uchel, felly rhaid rhoi sylw hefyd i'r ardaloedd cyfagos, y cloddiau a’r ffosydd wrth ymweld.

Mae rheiliau gwarchod wedi'u gosod i atal mynediad i unrhyw rannau o'r safle yr ydym wedi barnu eu bod yn beryglus neu i atal pobl rhag disgyn mewn mannau penodol. Peidiwch â dringo dros unrhyw reiliau ac ati sydd wedi’u gosod, na dringo drwyddynt.

Dylid defnyddio unrhyw ganllaw sydd yno i'ch helpu i ddringo a dod lawr y grisiau hanesyddol yn ddiogel, gan y gall y rhain fod yn anwastad ac o wahanol uchder.

Fel gyda phob heneb hynafol mae perygl bob amser i gerrig ddod yn rhydd mewn tywydd gwael. Fodd bynnag, rydym yn rheoli hyn trwy fonitro trylwyr.

Gall dringo arwain at anaf difrifol.

Mae yna nifer o blanhigion a blodau gwyllt, ac er bod y rhain yn beillwyr gwych gallant fod yn wenwynig i ymwelwyr ac anifeiliaid; rydym yn eich cynghori'n gryf i beidio â chyffwrdd na chaniatáu i gŵn fwyta unrhyw lystyfiant.

Efallai y bydd mynediad yn cael ei rannu neu bod tir fferm cyfagos a allai gynnwys gwartheg pori neu anifeiliaid fferm.

Gwyliwch ein ffilm iechyd a diogelwch cyn ymweld â safleoedd Cadw.

Iechyd a Diogelwch / Health and Safety

Rhowch wybod am unrhyw ymddygiad gwrthgymdeithasol fel dringo, graffiti ac ati i CadwAccidentsReports@llyw.cymru

Mae’r arwyddion canlynol i’w gweld o amgylch y safle mewn ardaloedd risg allweddol, cymerwch sylw ohonynt lle bo’n briodol.