Castell Trefynwy

Adfail o gastell â hanes brenhinol

Mae’n syndod dod o hyd i’r adfail hwn, yn swatio felly mewn lôn oddi ar brif stryd siopa Trefynwy. Mewn safle strategol lle mae Afon Gwy ac Afon Mynwy’n croesi, dim ond ambell ddarn - adfeilion Tŵr Mawr y 12fed ganrif a neuadd y 13eg ganrif - sy’n weddill o’r castell pwysig hwn ers talwm. Fe’i sylfaenwyd yn yr 11eg ganrif gan yr arglwydd Normanaidd William fitz Osbern, ac erbyn canol y 14eg ganrif roedd yn nwylo Henry o Rysmwnt, a addasodd y tŵr â ffenestri addurnedig mawr y gellir gweld eu hamlinelliad o hyd yn wal y dwyrain.

Y digwyddiad hynotaf yn hanes y tŵr, ar 16 Medi 1387, oedd genedigaeth Brenin Harri V yma, a fyddai’n enwog am Frwydr Agincourt; coffawyd achlysur ei eni yn Sgwâr Agincourt Trefynwy.

Amseroedd agor a phrisiau

Amseroedd agor

1st Ebrill - 31st Mawrth	Ar agor drwy’r flwyddyn
Ar agor drwy'r flwyddyn yng ngolau dydd

Gwybodaeth i ymwelwyr

Croeso i gŵn

Anhawster cerdded

Tirwedd: Lefel 1 – Hygyrch

Polisi dronau

Dim ysmygu

Iechyd a Diogelwch

Rhaid bod yn ofalus a chymryd sylw wrth ymweld â'r heneb hon. Bydd yn agored i'r elfennau naturiol yn rheolaidd a gall fod yn llithrig neu'n fwdlyd o dan draed.

Rhaid i chi ystyried pa esgidiau sy’n addas ar gyfer y tymor a'r math o heneb cyn eich ymweliad. Dim ond yn ystod yr oriau agor penodol y gallwch fynd yno, mae'r rhain wedi'u dewis ar gyfer eich diogelwch h.y. lefel briodol o olau.

Mae llawer o'n henebion mewn lleoliadau uchel, felly rhaid rhoi sylw hefyd i'r ardaloedd cyfagos, y cloddiau a’r ffosydd wrth ymweld.

Mae rheiliau gwarchod wedi'u gosod i atal mynediad i unrhyw rannau o'r safle yr ydym wedi barnu eu bod yn beryglus neu i atal pobl rhag disgyn mewn mannau penodol. Peidiwch â dringo dros unrhyw reiliau ac ati sydd wedi’u gosod, na dringo drwyddynt.

Dylid defnyddio unrhyw ganllaw sydd yno i'ch helpu i ddringo a dod lawr y grisiau hanesyddol yn ddiogel, gan y gall y rhain fod yn anwastad ac o wahanol uchder.

Fel gyda phob heneb hynafol mae perygl bob amser i gerrig ddod yn rhydd mewn tywydd gwael. Fodd bynnag, rydym yn rheoli hyn trwy fonitro trylwyr.

Gall dringo arwain at anaf difrifol.

Mae yna nifer o blanhigion a blodau gwyllt, ac er bod y rhain yn beillwyr gwych gallant fod yn wenwynig i ymwelwyr ac anifeiliaid; rydym yn eich cynghori'n gryf i beidio â chyffwrdd na chaniatáu i gŵn fwyta unrhyw lystyfiant.

Gwyliwch ein ffilm iechyd a diogelwch cyn ymweld â safleoedd Cadw.

Iechyd a Diogelwch / Health and Safety

Rhowch wybod am unrhyw ymddygiad gwrthgymdeithasol fel dringo, graffiti ac ati i CadwAccidentsReports@llyw.cymru

Mae’r arwyddion canlynol i’w gweld o amgylch y safle mewn ardaloedd risg allweddol, cymerwch sylw ohonynt lle bo’n briodol.