Hen Gastell y Bewpyr

Hysbysiad ymwelwyr

Nodwch—ni allwch fynd i’r castell trwy’r fferm gyfagos a’i ffordd breifat, dylech ddilyn y llwybr cyhoeddus o ochr y ffordd a chroesi’r gamfa isel er mwyn croesi’r tir ar lwybr sydd â hawl tramwy cyhoeddus.

Cofiwch y gallai fod da byw yn y caeau, yn enwedig yn ystod tymhorau’r gwanwyn a’r haf.

Cadwch bob anifail anwes ar dennyn, a pheidiwch â mynd at unrhyw anifeiliaid ar eich taith.

Diolch.

Maenor ganoloesol gyda symbolau statws ac ychwanegiadau Tuduraidd afradlon

Er gwaethaf yr enw a’i darddiadau canoloesol, mae Hen Gastell y Bewpyr yn fwy o faenordy na chastell, a dweud y gwir. Fe’i hadeiladwyd mewn dau gam; adeiladwyd y rhan hynaf tua 1300 ac yna cafwyd gwaith adnewyddu mawr yn yr 16eg ganrif gan deulu Bassett a esgorodd ar rai o’r nodweddion mwyaf trawiadol sy’n weddill.

Mae’r rhain yn cynnwys y porthdy tri llawr sydd mewn cyflwr da a’r cyntedd trawiadol, wedi’i addurno â cholofnau a ysbrydolwyd gan bensaernïaeth Hen Roeg ac arnynt arwyddlun herodrol y teulu wedi’i gerfio mewn carreg.

Wedi’u dylunio i arddangos cyfoeth a phwysigrwydd teulu Bassett, mae’r symbolau statws Tuduraidd hyn yn rhoi cipolwg dadlennol ar olwg yr eiddo crand hwn ar ei anterth.

Amseroedd agor a phrisiau

Amseroedd agor

1st Ebrill - 31st Mawrth	10am–4pm
Mynediad olaf 30 munud cyn cau Ar gau 24, 25, 26 Rhagfyr a 1 Ionawr

Gwybodaeth i ymwelwyr

Maes parcio

Does dim parcio pwrpasol ar y safle hwn.

Mae’n bosib parcio hyd at 2 gar ar Heol Sain Tathan.

Dilynwch yr arwydd twristiaeth sy’n pwyntio at y castell; does dim mynediad cyhoeddus i’r castell trwy lôn y fferm.

Croeso i gŵn

Polisi dronau

Darllenwch ein polisi dronau am y wybodaeth ddiweddaraf am hedfan yn henebion Cadw: darllenwch y canllawiau

Dim ysmygu

Ni chaniateir ysmygu.

Cyfarwyddiadau

Google Map

Beic: RBC Llwybr Rhif 88 (0.9m/1.5km)

Mae maes parcio 250 metr o'r heneb (tua 3 char). Dilynwch yr arwyddion twristiaeth sy’n pwyntio at y castell; nid oes mynediad cyhoeddus i’r castell drwy lôn y fferm.