Muriau Tref Conwy

Maes parcio Talu ac Arddangos
Polisi dronau
Dim ysmygu

Hysbysiad Ymwelwyr

Mae rhan fer o furiau tref Conwy, rhwng y Tŵr Gwylio a Phorth yr Adain, ar gau ar hyn o bryd wrth i ni edrych ar ffyrdd o wneud y rhan hon o Safle Treftadaeth y Byd yn fwy diogel ac yn haws i'w mwynhau.

Mae Cadw wedi ymrwymo i groesawu cymaint o bobl â phosibl i'w lleoedd hanesyddol. Yng Nghonwy, mae hyn yn cynnwys cynlluniau ar gyfer rheiliau cryfach a rhwyll amddiffynnol i wella diogelwch. Mae samplau treial eisoes wedi'u profi ar y safle, a'r cam nesaf yw gwneud cais am y Caniatâd Heneb Gofrestredig angenrheidiol.

Rydym yn gobeithio cyflawni'r gwaith yn ddiweddarach eleni ac ailagor y waliau mewn pryd ar gyfer Pasg 2027.

Darganfyddwch fwy am Gestyll a Muriau Tref y Brenin Edward yng Ngwynedd.

Safle Treftadaeth y Byd

Troedio waliau Safle Treftadaeth y Byd

Yn rhan o Safle Treftadaeth y Byd UNESCO sy’n cynnwys cestyll ysblennydd ym Miwmares, Harlech ac yma yng Nghonwy, mae’r muriau trefol hyn ymhlith y ceinaf a’r mwyaf cyflawn yn Ewrop. Ymestynnant yn ddi-dor bron o gwmpas canol canoloesol Conwy, a hynny am dri chwarter milltir, gyda 21 o dyrau a thri phorth gwreiddiol ar eu hyd. Os nad oes ofn uchder arnoch, gallwch fynd am dro ar ben y wal wrth iddi ddolennu o gwmpas strydoedd canoloesol cyfyng Conwy.

Hon yw’r sioe orau am ddim yn y dref, ac mae’n brofiad cyffrous sy’n tanlinellu pur faint y darn godidog hwn o adeiladwaith canoloesol, yn ogystal â chynnig golygfeydd ysblennydd o Gastell Conwy aruchel, y foryd ac Eryri.

Yn ddiweddar (ers mis Ebrill 2025) mae Cadw wedi cymryd ‘Y Croeshoeliad a Ffordd y Groes yn Eglwys Gatholig Sant Mihangel’, sydd wedi’i lleoli oddi ar Rosemary Lane, i Ofal y Wladwriaeth. Mae rhagor o wybodaeth am y paneli ar gael yn adroddiad rhestru Cadw.

Amseroedd agor a phrisiau

Amseroedd agor

1st Ebrill - 31st Mawrth	Ar agor drwy’r flwyddyn
Ar agor drwy'r flwyddyn yng ngolau dydd

Gwybodaeth i ymwelwyr

Maes parcio Talu ac Arddangos

Anhawster cerdded

Tirwedd: Lefel 4 – anodd

Polisi dronau

Dim ysmygu

Iechyd a Diogelwch

Yn amgylchynu tref Conwy, y lle hawsaf i chi ddechrau eich taith yw maes parcio Castell Conwy

Mae'r waliau wedi'u rhannu'n adrannau, a bydd angen defnyddio’r grisiau modern wrth fynd i mewn ac allan o’r gwahanol adrannau. Po bellaf y byddwch chi’n mynd, y mwyaf serth yw’r llwybr. Cofiwch eu bod yn waliau hanesyddol, a’u bod yn anwastad mewn mannau. Defnyddiwch y canllawiau.

Rydym yn gofyn yn glên i chi fod yn gwrtais wrth eraill, ac i adael iddyn nhw fynd heibio mewn mannau cyfyng.
Gan fod y muriau’n gul iawn mewn mannau, nid ydym yn caniatáu cŵn ar lwybrau’r waliau. Mae hyn yn lleihau'r perygl i’ch ci lithro o dan y rheiliau diogelwch, a bydd yn eich amddiffyn chi ac eraill. Peidiwch â dringo nac eistedd ar unrhyw ran o'r gwaith cerrig.

Dim ond y goleuadau stryd cyfagos sydd i oleuo’r llwybr. Rydym yn argymell i chi beidio â cherdded y muriau gyda’r nos neu pan fo hi’n dywyll (yn hwyr gyda'r nos ac yn gynnar y bore yn y gaeaf).

Fel gyda phob heneb hynafol mae perygl bob amser i gerrig ddod yn rhydd mewn tywydd gwael. Fodd bynnag, rydym yn rheoli hyn trwy fonitro trylwyr.

Gall dringo arwain at anaf difrifol.

Mae yna nifer o blanhigion a blodau gwyllt, ac er bod y rhain yn beillwyr gwych gallant fod yn wenwynig i ymwelwyr ac anifeiliaid; rydym yn eich cynghori'n gryf i beidio â chyffwrdd na chaniatáu i gŵn fwyta unrhyw lystyfiant.

Gwyliwch ein ffilm iechyd a diogelwch cyn ymweld â safleoedd Cadw.

Iechyd a Diogelwch / Health and Safety

Rhowch wybod am unrhyw ymddygiad gwrthgymdeithasol fel dringo, graffiti ac ati i CadwAccidentsReports@llyw.cymru

Mae’r arwyddion canlynol i’w gweld o amgylch y safle mewn ardaloedd risg allweddol, cymerwch sylw ohonynt lle bo’n briodol.