Rydym ni’n defnyddio JavaScript i osod y rhan fwyaf o’n cwcis. Yn anffodus, nid yw JavaScript yn rhedeg ar eich porwr, felly ni allwch newid eich gosodiadau trwy ddefnyddio’r dudalen hon. I reoli eich gosodiadau cwcis trwy ddefnyddio’r dudalen hon, rhowch gynnig ar droi JavaScript ymlaen yn eich porwr.

Gwybodaeth am gwcis

Rydym wedi arbed rhai ffeiliau o’r enw cwcis i’ch dyfais. Mae’r cwcis hyn:

  • yn hanfodol i waith y safle
  • yn helpu gwella’n gwefan trwy gasglu gwybodaeth ac adrodd am sut rydych chi’n ei defnyddio

Hefyd, hoffem arbed rhai cwcis i helpu:

  • gwella ein gwefan trwy fesur y defnydd o’n gwefan
  • cofio eich gosodiadau
Newid gosodiadau cwcis

Rydych chi wedi derbyn yr holl gwcis ar gyfer y wefan hon. Gallwch newid eich dewisiadau ar gyfer cwcis unrhyw bryd.

Beth? Taith redeg 5k o Gastell y Fflint at Bwynt y Fflint, ac yn ôl.

Ble? Y Fflint, Sir y Fflint

Safle Cadw i’w weld: Castell y Fflint

Y lle gorau i’w rannu ar Instagram: y tŵr mawr neu’r ‘dwnsiwn’ yng nghornel de-ddwyreiniol y safle. Safwch o flaen y strwythur anghyffredin hwn i gael llun o filltiroedd o arfordir ac awyr uwchben.

Dechreuwyd codi Castell y Fflint yn 1299, ac mae’n un o'r rhai cyntaf i gael ei adeiladu gan Edward 1af. Gyda golygfeydd trawiadol dros aber yr afon Ddyfrdwy, mae'r castell unig hwn yn aml yn cael ei anghofio gan bobl sy'n mynd am y cestyll mwy gorllewinol. Mae’n enwog am ymddangos yn nrama hanesyddol epig Shakespeare, Richard II.

Cymerwch amser i archwilio'r adfeilion, sy'n sefyll yn amlwg ar y tirwedd arfordirol, cyn dechrau rhedeg.  O'r Castell, dilynwch lwybr i’r goedwig a mwynhewch gip ar yr aber rhwng y coed. O’r fan hon, dilynwch y llwybr troellog i ddoc y Fflint.

Wrth i chi redeg, anadlwch awyr iach y môr a chofiwch fod y cei distaw a phrydferth hwn yn arfer bod y lle prysuraf yn y Fflint — a hefyd y mwyaf budr a llygredig oherwydd y cemegau yr oedd y diwydiannau trwm yn eu defnyddio yma yn yr 1800au.

O'r fan yma, trowch yn ôl am lwybr yr arfordir drwy ddilyn darn byr o ffordd a’r afon ddolennog o gwmpas y gilfach at Bwynt y Fflint.

Yno, fe welwch oleufa sy'n cael ei chynnau ar achlysuron arbennig, yn ogystal â golygfeydd godidog i fyny’r aber i gyfeiriad Maes Glas ac i lawr yr afon tua Phont Sir y Fflint.

Wrth ddychwelyd i'r Castell, cofiwch gael llun balch ohonoch eich hun fel rhedwr, a gwobrwywch eich hun drwy gael tamaid bach neu fawr i’w fwyta ym Mill Tavern gerllaw.