Rydym ni’n defnyddio JavaScript i osod y rhan fwyaf o’n cwcis. Yn anffodus, nid yw JavaScript yn rhedeg ar eich porwr, felly ni allwch newid eich gosodiadau trwy ddefnyddio’r dudalen hon. I reoli eich gosodiadau cwcis trwy ddefnyddio’r dudalen hon, rhowch gynnig ar droi JavaScript ymlaen yn eich porwr.

Gwybodaeth am gwcis

Rydym wedi arbed rhai ffeiliau o’r enw cwcis i’ch dyfais. Mae’r cwcis hyn:

  • yn hanfodol i waith y safle
  • yn helpu gwella’n gwefan trwy gasglu gwybodaeth ac adrodd am sut rydych chi’n ei defnyddio

Hefyd, hoffem arbed rhai cwcis i helpu:

  • gwella ein gwefan trwy fesur y defnydd o’n gwefan
  • cofio eich gosodiadau
Newid gosodiadau cwcis

Rydych chi wedi derbyn yr holl gwcis ar gyfer y wefan hon. Gallwch newid eich dewisiadau ar gyfer cwcis unrhyw bryd.

Beth? Diwrnod llawn gweithgareddau lle cewch fwynhau gweld mynyddoedd, daeargelloedd ac ogofâu

Ble? Llandeilo

Safle Cadw i’w weld: Castell Carreg Cennen

Y lle gorau i’w rannu ar Instagram: y twnnel o dan y Castell. Wrth i belydrau'r haul lifo drwy’r bylchau yn y gwaith brics, bydd fflachiadau o oleuni i’w gweld yn y twnnel drwy gydol y dydd — dyma’r lle delfrydol i chi dynnu llun llawn dirgelwch ar gyfer eich grid.

Does dim llawer o gestyll yng Nghymru sydd mewn lleoliad mwy ysblennydd na Chastell Carreg Cennen. Mae ôl y tywydd ar yr adfail hwn sy’n goron ar graig galch, ac sy’n edrych dros y Mynydd Du pell yng nghornel orllewinol Parc Cenedlaethol Bannau Brycheiniog.

Ar ôl mynd ar daith gerdded fer ond serth at y cadarnle o faes parcio Carreg Cennen, mwynhewch y golygfeydd ysblennydd ar draws erwau o gefn gwlad sydd heb eu cyffwrdd. Os ydych chi’n teimlo’n ddewr, chwiliwch am dwnnel dirgel y safle i ddod o hyd i ogof greigiog — a oedd yn arfer cael ei defnyddio fel ystafell storio a daeargell gyfrinachol!

Ar ôl i chi dynnu’r llun perffaith ar gyfer Instagram a darganfod holl hanes dramatig y safle, ewch am dro ar hyd y llwybr sy’n arwain at y dyffryn coediog i fynd ar daith gerdded gylch sy’n para dwy awr.

Defnyddiwch arwyddion coch y castell fel canllaw, croesi afon Cennen a mynd tuag at frig y Mynydd Du er mwyn cael mwynhau hyd yn oed mwy o olygfeydd godidog.

Ar ôl cerdded drwy rostir tawel ac agored, bydd y llwybr yn eich tywys yn ôl i’r man cychwyn, sef pont godi Carreg Cennen.

Yma, arhoswch am ddiod neu damaid i'w fwyta yng nghaffi'r Castell, cyn neidio i'r car a mynd am Fwyngloddiau Aur Dolaucothi. Yma, gallwch chwilio am aur yn yr unig fwynglawdd aur Rhufeinig sydd ar ôl yn y DU. Bydd cyfle i chi fynd ar daith dywys o dan y ddaear a chael hanes dwy fil o flynyddoedd o fwyngloddio aur yng Nghymru — dewis da i chi ar ôl eich taith gerdded os yw’r plant gyda chi hefyd.