Muriau Tref Dinbych

LL16 3ND
Croeso i gŵn
Polisi dronau
Dim ysmygu

Y llinell amddiffyn gyntaf i gastell canoloesol Dinbych

Y brigiad creigiog sy’n gartref i gastell Dinbych a’i muriau trefol oedd, ar un adeg, safle cadarnle yn eiddo i dywysog Cymru, Dafydd ap Gruffydd, er mai gwaith brenin Lloegr, Edward I, yw’r olion a saif heddiw. Wedi’i hadeiladu tua 1285, codwyd waliau Dinbych cyn y castell sy’n eistedd o’u mewn, a hynny yn ôl pob tebyg i amddiffyn y gweithlu rhag ymosodiadau gan luoedd brodorol. Estynnwyd y waliau yn y 14eg ganrif i gynnwys y Tŵr Coblyn trawiadol. Roedd hwn yn gartref i wal eilaidd o fewn amddiffynfeydd y dref, a fyddai’n helpu Dinbych yn y pen draw i oroesi gwarchaeau yn Rhyfel Cartref Lloegr yn yr 16eg ganrif.

Mae llawer o’r wal yn sefyll o hyd, ynghyd ag olion nifer o dyrau a dau borthdy. O’r rhain, Porth Burgess i’r gogledd sydd yn y cyflwr gorau.

Amseroedd agor a phrisiau

Amseroedd agor

1st Ebrill - 31st Hydref	10am–5pm (Ar gau Mawr-Merch)
1st Tachwedd - 31st Mawrth	10am-4pm (Ar gau Llun–Iau)
Mae'r allwedd ar gael o'r lleoliadau canlynol: Castell Dinbych Mae'n rhaid talu blaendâl arian parod a gaiff ei ddychwelyd am yr allwedd. Ar gau 24, 25, 26 Rhagfyr a 1 Ionawr

Gwybodaeth i ymwelwyr

Croeso i gŵn

Maes parcio

Maes parcio a thoiledau ar gael yng Nghastell Dinbych yn ystod amserau agor y castell.

Dau bwynt gwefru trydan Math 2 (22kW) ar gael ym maes parcio’r castell — tâl yn daladwy i’w defnyddio

Anhawster cerdded

Tirwedd: Lefel 3 — Cymedrol

Mae yna risiau serth iawn ar rai adrannau rhwng Tŵr yr Iarlles a Thŵr y Coblyn.

Polisi dronau

Dim ysmygu

Iechyd a Diogelwch

Yr unig ffordd o gael mynediad i lwybrau cerdded y muriau yw trwy gael allwedd o’r castell. Dim ond yn ystod oriau agor y mae hyn ar gael, am fod hyn yn rhoi cyfle inni wirio'r waliau cyn eich ymweliad.

Mae sawl gris yn arwain at ac ar y waliau. Yn agored i'r elfennau, gall y grisiau fod yn wlyb ac yn llithrig. Mae yna sawl coeden uwchben, felly byddwch yn ofalus o ddail gwlyb.

Defnyddiwch y rheiliau llaw sydd ar gael, yn enwedig ar y rhannau serth.

Fel gyda phob heneb hynafol mae perygl bob amser i gerrig ddod yn rhydd mewn tywydd gwael. Fodd bynnag, rydym yn rheoli hyn trwy fonitro trylwyr.

Gall dringo arwain at anaf difrifol.

Mae yna nifer o blanhigion a blodau gwyllt, ac er bod y rhain yn beillwyr gwych gallant fod yn wenwynig i ymwelwyr ac anifeiliaid; rydym yn eich cynghori'n gryf i beidio â chyffwrdd na chaniatáu i gŵn fwyta unrhyw lystyfiant.

Gwyliwch ein ffilm iechyd a diogelwch cyn ymweld â safleoedd Cadw.

Iechyd a Diogelwch / Health and Safety

Rhowch wybod am unrhyw ymddygiad gwrthgymdeithasol fel dringo, graffiti ac ati i CadwAccidentsReports@llyw.cymru

Mae’r arwyddion canlynol i’w gweld o amgylch y safle mewn ardaloedd risg allweddol, cymerwch sylw ohonynt lle bo’n briodol.