Rydym ni’n defnyddio JavaScript i osod y rhan fwyaf o’n cwcis. Yn anffodus, nid yw JavaScript yn rhedeg ar eich porwr, felly ni allwch newid eich gosodiadau trwy ddefnyddio’r dudalen hon. I reoli eich gosodiadau cwcis trwy ddefnyddio’r dudalen hon, rhowch gynnig ar droi JavaScript ymlaen yn eich porwr.

Gwybodaeth am gwcis

Rydym wedi arbed rhai ffeiliau o’r enw cwcis i’ch dyfais. Mae’r cwcis hyn:

  • yn hanfodol i waith y safle
  • yn helpu gwella’n gwefan trwy gasglu gwybodaeth ac adrodd am sut rydych chi’n ei defnyddio

Hefyd, hoffem arbed rhai cwcis i helpu:

  • gwella ein gwefan trwy fesur y defnydd o’n gwefan
  • cofio eich gosodiadau
Newid gosodiadau cwcis

Rydych chi wedi derbyn yr holl gwcis ar gyfer y wefan hon. Gallwch newid eich dewisiadau ar gyfer cwcis unrhyw bryd.

Beth? Taith gerdded ysgafn i gyfuno’r canoloesol a’r modern, gan ymweld â thref marchnad fach hudolus a’i chaer ganoloesol hefyd

Ble? Cas-gwent, Sir Fynwy

Safleoedd Cadw i’w gweld: Castell Cas-gwent ac Abaty Tyndyrn

Y lle gorau i’w rannu ar Instagram: Rhagfur uchaf Castell Cas-gwent. Dewiswch eich hoff ffenestr a thynnu llun anffurfiol wrth i chi edrych allan dros afon Gwy.

Mae Castell Cas-gwent yn sefyll yn uchel uwchben glannau Afon Gwy, a dyma’r enghraifft hynaf o wrthfur cerrig sydd wedi goroesi ar ôl cyfnod y Rhufeiniaid ym Mhrydain. Mae hefyd yn gartref i ddau ddrws sy’n 800 oed — yr hynaf yn Ewrop!

Dechreuwch drwy fynd o amgylch y castell, dringo’r bylchfuriau a mwynhau’r golygfeydd hyfryd o Sir Fynwy cyn mynd am dro yn y prynhawn. Dilynwch yr arwyddion o'r Castell tuag at Daith Gerdded Dyffryn Gwy, a dilyn y llwybrau heibio’r dref nes byddwch yn cyrraedd llwybrau'r coetir drwy Goedwigoedd Alcove a Pierce. Os ydych chi’n teimlo’r awydd i fynd yr holl ffordd i Abaty Tyndyrn, mae’r llwyr hwn yn arwain i’r fan hyn. Neu, os hoffech ddilyn llwybr mwy hamddenol, beth am ymweld â’r dref leol?

Mae Cas-gwent (sy’n golygu ‘marchnad’ mewn Hen Saesneg), yn fwrlwm o siopau bychan annibynnol, siopau nwyddau unigryw i’r cartref ac adeiladau hardd Sioraidd a Fictoraidd yng nghanol y dref. Heb anghofio’r tafarndai hynod, y caffis a’r tai bwyta sydd i’w gweld ar gornel pob stryd bron - hwylus iawn! Ymhlith y ffefrynnau, mae The Riverside Restaurant, gyda’r golygfeydd godidog ar draws afon Gwy.

Os nad oes gennych chi amser i aros i gael bwyd, ar yr ail a’r pedwerydd dydd Sadwrn o bob mis bydd Marchnad Ffermwyr Cas-gwent yn cymryd drosodd yn yr ardal. Dyma gyfle perffaith i chi brynu cynnyrch lleol a ffres i’w mwynhau ar ôl i chi gyrraedd adref.