Castell Caerffili
Hysbysiad Ymwelwyr
Bydd y castell ar gau ar y dyddiadau canlynol:
9, 10 a 26 Gorffennaf 2024
Oherwydd graddfa’r gwaith ailddatblygu, dim ond y ward isaf ac ardal y siop fydd ar agor ar:
8, 11–12 a 15–19 Gorffennaf 2024
Yn ystod y cyfnod hwn, bydd mynediad am ddim i bob ymwelydd. Diolch am fod yn amyneddgar wrth i ni barhau i ailddatblygu Castell Caerffili.
Diweddariad am Ddreigiau Caerffili: Ni fydd Dreigiau Caerffili ar y safle rhwng 9 Gorffennaf a 28 Gorffennaf 2024 gan eu bod yn cael eu hadnewyddu.
Bydd ein toiledau ymwelwyr ar gau drwy gydol y prosiect, ond mae toiledau ar gael ym marchnad gymunedol Ffos Caerffili gerllaw (ar gau ar ddydd Llun), nepell o fynedfa’r castell.
Mae Cadw wedi cyhoeddi manylion buddsoddiad gwerth £10m mewn gwaith datblygu yng Nghastell Caerffili
Yn ystod y cam hwn o’r prosiect, bydd y Neuadd Fawr, y cwrt canolog a rhai ardaloedd llawr gwaelod y ward fewnol ar gau i ymwelwyr. Bydd lloriau uwch a llwybrau’r waliau ar agor fel arfer ond bydd angen defnyddio grisiau troellog hanesyddol er mwyn eu cyrraedd.
Oherwydd y gwaith ailddatblygu sy’n digwydd, bydd llwybr y pysgotwr o gefn y castell ar gau o ddydd Llun 22 Ebrill wrth i ni barhau i weithio yn yr ardal hon.
Oherwydd gwaith ailddatblygu yng Nghastell Caerffili, bydd ceisiadau am logi’r safle ac archebion gan y diwydiant teithio yn cael eu hystyried, ond efallai y bydd rhaid cau’r safle ar y funud olaf o dro i dro.
Nid yw tocynnau ar-lein i’w cael ar hyn o bryd – os gwelwch yn dda, prynwch eich tocynnau pan fyddwch yn cyrraedd y safle.
Arolwg
Bwriadu ymweld â Chastell Caerffili? Defnyddiwch ein map defnyddiol i wneud y mwyaf o’ch ymweliad!
Arswyd rhag tywysog Cymru wedi ysbrydoli castell canoloesol grymusaf Cymru
Ni adeiladodd Llywelyn ap Gruffudd Gastell Caerffili. A dweud y gwir, ceisiodd ei ddymchwel ddwywaith cyn iddo gael ei gwblhau. Ond ef, yn sicr, a’i hysbrydolodd.
Yn sgil esgyniad nerthol Dywysog Cymru, argyhoeddwyd Arglwydd y Mers, Gilbert de Clare, fod angen caer arno a honno ar frys. Ac roedd yn well iddi fod yn gwbl aruthrol.
Felly o 1268 adeiladodd de Clare y castell mwyaf yng Nghymru – a hwnnw’n ail yn unig i Windsor ym Mhrydain oll. Cyfunwyd waliau, tyrau a phorthdai enfawr ag amddiffynfeydd dŵr helaeth i orchuddio 30 erw i gyd.
Mae hynny deirgwaith cymaint â chadarnle Cymru gyfoes, sef cartref rygbi Cymru, Stadiwm y Principality.
Pan fu farw Llywelyn, trawsnewidiwyd y gaer flaenaf hon yn gartref gwych a chanddo barc hela a llyn gogleddol. Fe’i trosglwyddwyd i ddwylo ffefryn creulon a barus Edward II, Hugh Despenser, a ailwampiodd y neuadd fawr mewn modd addurniedig.
Erbyn hynny, rhaid bod Caerffili yn ymddangos fel rhyw gastell chwedlonol yn arnofio mewn llyn hudol, effaith a gryfhawyd yn rhyfedd gan bowdwr gwn y Rhyfel Cartref a adawodd tŵr y de-ddwyrain ar ongl ansicr.
A dweud y gwir, mae’n siŵr mai Tŵr Cam Cymru – sy’n gwyro mwy na thŵr Pisa hyd yn oed – yw nodwedd anwylaf y castell.
Castell Caerffili Pamffledyn Canllaw
Prynwch eich llyfr Cadw ar-lein heddiw.
Aelodau Cadw 10% i ffwrdd!
Amseroedd agor
Bob dydd 9.30am–5pm
Mynediad olaf 30 munud cyn cau
Bob dydd 9.30am–6pm
Mynediad olaf 30 munud cyn cau
Bydd y castell ar gau ar y dyddiadau canlynol:
9, 10 a 26 Gorffennaf 2024
Oherwydd graddfa’r gwaith ailddatblygu, dim ond y ward isaf ac ardal y siop fydd ar agor ar:
11–12 a 15–19 Gorffennaf 2024
Yn ystod y cyfnod hwn, bydd mynediad am ddim i bob ymwelydd. Diolch am fod yn amyneddgar wrth i ni barhau i ailddatblygu Castell Caerffili.
Bob dydd 9.30am–5pm
Mynediad olaf 30 munud cyn cau
Bob dydd 10am–4pm
Mynediad olaf 30 munud cyn cau
Ar gau 24, 25, 26 Rhagfyr a 1 Ionawr
Prisiau a Thocynnau
| Categori | Price |
|---|---|
| Aelod - Ymunwch rŵan |
Am ddim
|
| Oedolyn |
£10.90
|
| Teulu* |
£34.90
|
| Pobl anabl a chydymaith |
Am ddim
|
| Plant (Oed 5-17) / UCM / Lluoedd Arfog a Chyn-filwyr |
£7.60
|
| Pobl hŷn (Oed 65+) |
£10.40
|
|
*2 oedolyn a hyd at 3 plentyn Mae pob plentyn o dan 5 oed yn cael mynediad am ddim Mae deiliaid cardiau Golau Glas ac aelodau a chyn-aelodau Lluoedd Arfog EF yn cael 10% oddi ar bris mynediad (ddim ar gael ar-lein). Nid yw tocynnau ar-lein i’w cael ar hyn o bryd – os gwelwch yn dda, prynwch eich tocynnau pan fyddwch yn cyrraedd y safle. |
|
Cyfleusterau
I gael gwybodaeth hygyrchedd, cysylltwch â’n tîm castell yn: CaerphillyCastle@llyw.cymru
Mae meysydd parcio talu ac arddangos arhosiad byr a hir ar gael; mae’r maes parcio arhosiad byr tua 110m i ffwrdd. Mae’r maes parcio arhosiad hir tua 500m i ffwrdd. Mae lleoedd parcio penodol ar gael ar gyfer pob anabl. |
Noder: Nid yw Neuadd Fawr Castell Caerffili ar gael ar gyfer priodasau tan 2025.
Mae croeso i gŵn ar lefelau gwaelod y castell pan fyddant ar dennyn. Gall rhai ardaloedd fod ar gau pan fyddwch yn ymweld gan fod gwaith adnewyddu yn digwydd ar hyn o bryd. Am ragor o wybodaeth, cysylltwch â’n tîm os gwelwch yn dda.
Ffôn: 02920 883143
E-bost: CaerphillyCastle@llyw.cymru
Mae arddangosfa ar y safle o fewn yr heneb.
Mae siop ar y safle sy’n cynnig amrywiaeth o gynnyrch a llyfrau.
Llawlyfr am y safle ar gael i’w brynu ar-lein ac mewn canolfannau ymwelwyr dethol.
Darllenwch ein polisi dronau am y wybodaeth ddiweddaraf am hedfan yn henebion Cadw: darllenwch y canllawiau
Ni chaniateir ysmygu.
Mae dolen sain gludadwy ar gael.
Mae’r safle ar gael i’w logi ar gyfer digwyddiadau, arddangosfeydd a ffilmio.
Er mwyn trefnu ymweliad addysg hunan-dywys am ddim i’r safle hwn, dilynwch y camau syml hyn yn ein adran ymweliadau addysg hunan-dywys.
Tra eich bod ar y wefan, edrychwch ar ein adnoddau dysgu am ddim i’ch helpu chi gyda’ch antur teithio mewn amser!
Nid yw Castell Caerffili ar gael ar hyn o bryd i’w logi ar gyfer digwyddiadau, ffilmio ac arddangosfeydd oherwydd y gwaith ailddatblygu parhaus.
Mae WiFi cyhoeddus Cadw ar gael am ddim ar y safle hwn.
Cyfarwyddiadau
Cod post CF83 1JD
Am fwy o wybodaeth, cysylltwch â: Traveline Cymru ar 0800 464 0000 neu Ymholiadau Rheilffyrdd Cenedlaethol ar 03457 48 49 50
Cysylltu â ni
Rhif ffôn 03000 252239
E-bost
CaerphillyCastle@llyw.cymru
Castle St, Caerffili CF83 1JD
Ar gyfer contractwyr, ymweliadau addysgiadol a danfoniadau, ffoniwch 02920 883143
Rydym yn croesawu galwadau yn Gymraeg.
