Canllaw mynediad
Pobl anabl
Croesewir pob person anabl i safleoedd Cadw yn rhad ac am ddim, a gallant ddod â cydymaith am ddim hefyd. Siaradwch â'r staff os oes angen mwy nag un cydymaith arnoch. Yn Cadw, deallwn nad oes gan bob person anabl namau sy’n weladwy, felly rhowch wybod i’n staff os hoffech fanteisio ar y consesiwn hwn.
Consesiynau ac aelodaeth hŷn ac iau
Mae gan Cadw raddfa tocynnau mynediad dydd rhatach ar gyfer y rhai o dan 18 a 65 a hŷn, ac amrywiaeth o opsiynau o ddisgownt ar aelodaeth i ymwelwyr iau a hŷn. Mae’n bosib y bydd disgwyl i ymwelwyr ac aelodau ddangos prawf o’u hoedran. Mae angen i bob ymwelydd dan 16 oed fod yng nghwmni oedolyn.
Mae Cadw’n hapus i gynnig graddfa ratach ar gyfer myfyrwyr fel y gallant fwynhau’r cofadeiladau sydd yn ein gofal tra maent yn astudio. I gael tocyn mynediad dydd ac aelodaeth myfyrwyr, dowch â’ch cerdyn aelodaeth â llun gyda chi bob tro y byddwch yn ymweld. Rydym yn derbyn y rhan fwyaf o gardiau aelodaeth myfyrwyr ac eithrio’r rhai heb lun a chardiau y gellir eu cael heb dystiolaeth o statws myfyrwyr.
*nid ydym yn derbyn aelodaeth Uni Days fel prawf o statws myfyriwr.
Cerdyn Golau Glas
Mae deiliaid Cerdyn Golau Glas yn derbyn gostyngiad o 10% oddi ar bris tocyn mynediad unigol wrth ei brynu wrth gyrraedd. Cyflwynwch eich cerdyn cymhwyso a’ch llun ID.
Dyw’r disgownt hwn ddim ar gael ar-lein.
Gofalwyr Ifanc
Mae Cadw yn cynnig 10% oddi ar docynnau (Iau ac Oedolyn) i Ofalwyr Ifanc (18 oed ac iau) sy’n dangos eu cardiau adnabod.
Nid yw’r disgownt hwn ar gael ar-lein.
Ffoaduriaid
Mynediad am ddim i unigolyn neu deulu i holl safleoedd Cadw ar gyfer pob ffoadur a’r rhai sy’n ceisio lloches yng Nghymru.
Caniateir mynediad am ddim wrth ddangos un o’r canlynol:
- Trwydded Breswylio Biometrig (BRP) sy’n nodi bod rhywun yn 'Ffoadur', bod ganddo/ganddi 'HP' neu 'Amddiffyniad Dyngarol', neu'n cynnwys y geiriau 'Afghan', 'Wcráin' neu 'Hong Kong'
- Llythyr a gyfeiriwyd yn bersonol gan y Swyddfa Gartref / Ysgrifennydd Cartref yn cadarnhau unrhyw un o’r statwsau a restrir yn y bwled uchod
- Pasbort Tramor Cenedlaethol Wcráin, Affganistan neu Hong Kong.
Mae’r cynnig hwn wedi’i ymestyn tan 31 Mawrth 2026.
Aelodau Cadw, English Heritage, Historic Scotland a Manx National Heritage
Ar gyfer yr holl sefydliadau:
- rhaid i’r cerdyn aelodaeth gael ei ddefnyddio gan ddaliwr y cerdyn a enwir yn unig
- dangoswch eich cerdyn ym mynedfa’r safle, os gwelwch yn dda. Ni fyddwn yn rhoi ad-daliad os y methir â dangos cerdyn dilys
- rhaid i bob oedolyn sy’n mynd i mewn i safle gan ddefnyddio’u cerdyn aelodaeth gael cerdyn dilys
- efallai y bydd angen i chi ddangos ffurf arall o adnabyddiaeth os y byddwn yn ansicr os mai chi yw’r person sy’n berchen y cerdyn aelodaeth
- pan fyddwch yn ymweld â safleoedd y sefydliadau eraill sydd â cherdyn aelodaeth, mae’r rheolau a amlinellir ym mholisi mynediad aelodaeth eich sefydliad chi yn dal yn weithredol, megis y nifer o blant a ganiatëir yng nghategori eich aelodaeth
- rhaid i blant fod yn rhan o grŵp teulu.
Mae gan aelodau Cadw fynediad anghyfyngedig i holl safleoedd Cadw lle mae staff ac fe allant fwynhau nifer o fuddion eraill. I ymuno ewch i www.aelodaethcadw.gwasanaeth.llyw.cymru.
Rydym hefyd yn croesawu aelodau o English Heritage, Historic Scotland a Manx National Heritage i safleoedd Cadw ar raddfa ratach neu’n rhad ac am ddim.
Os oes gennych unrhyw gwestiwn ynglŷn â’r canllawiau uchod cysylltwch â ni
E-bost: cadw@tfw.wales
Ffôn: 03000 252239
Archebu taith dywys
Os ydych chi am archebu taith dywys i safle Cadw, p’un ai yn unigol neu mewn grŵp, archebwch drwy Gymdeithas Tywyswyr Twristiaeth Swyddogol Cymru.
Dewiswch 'Dod o hyd i ganllaw', dewiswch y rhanbarth rydych chi'n ymweld â hi a chwiliwch am dywyswyr.
Gallwch gysylltu â'r tywysydd yn uniongyrchol i esbonio eich gofynion.
Nid yw hwn yn wasanaeth Cadw felly cysylltwch â Chymdeithas Tywyswyr Twristiaeth Swyddogol Cymru yn uniongyrchol ynghylch unrhyw ymholiadau. Mwynhewch eich ymweliad!
