Castell Cas-gwent

Mae’r maes parcio agosaf 100 lath islaw’r castell. Maes parcio cyhoeddus yw hwn sy’n codi tâl am barcio. Mae yno 4 man parcio hygyrch a mannau parcio ar gyfer bysus. Byddwch yn ofalus o gwmpas cerbydau sy’n symud.  

Mae’r castell ar graig ar lannau’r afon, felly mae’r prif lwybr ar allt serth.

Mae nifer o risiau yn arwain at rannau mewnol uwch y castell ac at y llwybr cerdded ar hyd y muriau. 
Efallai bydd gwylanod yn clwydo yma yn ystod y tymor magu. Dylech gadw draw gan y gallent fod yn amddiffynnol o’u hwyau/cywion. 
Gall rhai adar gael eu dal y tu mewn i’r heneb, gan hedfan o gwmpas wrth chwilio am y ffordd allan. Cofiwch hyn pan fyddwch ar risiau troellog.

Mae’r llwybr cerdded ar hyd y muriau yng nghefn y safle yn uchel, yn gul, ac nid yw’n arwain i unlle – rhowch ddigon o le i ymwelwyr droi a dod yn ôl.

Gall tu mewn i’r castell fod yn dywyll ambell i ddiwrnod, ac yn llithrig pan fydd hi’n wlyb.

Mae rhai o’r grisiau hanesyddol yn anwastad, a gall eu taldra amrywio o ris i ris. Byddwch yn ofalus ac yn sylwgar wrth grwydro’r tyrau a rhowch ddigon o le i eraill.

Mae rhwystrau i’ch gwarchod yn rhai lleoedd, arhoswch ar y llwybrau dynodedig a pheidiwch â dringo dros unrhyw rwystrau amddiffynnol.

Fel gyda phob heneb hynafol mae perygl bob amser i gerrig ddod yn rhydd mewn tywydd gwael. Fodd bynnag, rydym yn rheoli hyn trwy fonitro trylwyr. 

Gall dringo arwain at anaf difrifol. 

Mae yna nifer o blanhigion a blodau gwyllt, ac er bod y rhain yn beillwyr gwych gallant fod yn wenwynig i ymwelwyr ac anifeiliaid; rydym yn eich cynghori'n gryf i beidio â chyffwrdd na chaniatáu i gŵn fwyta unrhyw lystyfiant.

Gwyliwch ein ffilm iechyd a diogelwch cyn ymweld â safleoedd Cadw.

Iechyd a Diogelwch / Health and Safety

Rhowch wybod am unrhyw ymddygiad gwrthgymdeithasol fel dringo, graffiti ac ati i CadwAccidentsReports@llyw.cymru

Mae’r arwyddion canlynol i’w gweld o amgylch y safle mewn ardaloedd risg allweddol, cymerwch sylw ohonynt lle bo’n briodol.