Castell Coch
Hysbysiad Ymwelwyr
Gwaith Cadwraeth
Dros amser, mae dŵr wedi dechrau treiddio trwy’r waliau ac i lawr i’r simneiau. Yn ystod arolygon o'r castell, sylweddolom fod y dŵr hwn wedi dechrau niweidio rhywfaint o'r addurniadau cywrain y tu mewn.
Er mwyn gwarchod y castell a sicrhau ei fod yn ddiogel i ni ei fwynhau, rydym wedi dechrau prosiect cadwraeth ar raddfa fawr i atal rhagor o ddifrod rhag digwydd ac i drwsio'r rhannau o'r castell yr effeithiwyd arnynt.
Dilynwch ein gwaith i adfer ysblander bythol Castell Coch ar ein llinell amser.
Castell Coch – Llinell amser y gwaith cadwraeth
Caffi Castell, Castell Coch
Mae caffi Castell Coch ar gau ar hyn o bryd oherwydd problemau annisgwyl.
Castell tylwyth teg - tegan i’r cefnog a’r pwerus
Beth sy’n digwydd pan fydd noddwr o gyfoeth diderfyn yn cwrdd â phensaer â dychymyg di-ben-draw? Dyma eich ateb.
Cwyd Castell Coch o goedwigoedd ffawydd hynafol Fforest Fawr fel gweledigaeth o stori dylwyth teg. Ond eto i gyd, dim ond awgrymu’r ysblander y tu mewn y mae’r tyrau mawrion hyn gyda’u toeau conigol unigryw.
A thrydydd Ardalydd Bute wedi rhoi tragwyddol heol i’w ddychymyg, ni ymatalodd y pensaer William Burges o gwbl. Mae’r tu mewn tra addurnedig a dodrefn drudfawr Castell Coch yn ei wneud yn gampwaith disglair o’r oes Fictoraidd Uchel.
Ond nid ffoli egsotig mohono. O dan yr addurniadau ffug-ganoloesol, gallwch olrhain castell trawiadol o’r 13eg ganrif o hyd, a ddefnyddid ar un adeg fel llety hela gan un o Arglwyddi didostur y Mers, Gilbert de Clare.
Mae Castell Coch yn degan i’r cefnog a’r pwerus ers dros 700 mlynedd. Wedi gwario arian mawr arno, ni threuliodd Gilbert de Clare nac Ardalydd Bute lawer o amser yma.
Serch hynny, mae’n weledigaeth wych o fyd canoloesol dychmygus – a’r cyhoedd yn ei ddewis yn rheolaidd yn hoff adeilad iddynt yng Nghymru.
Sut i ymweld
- prynwch eich tocynnau mynediad wrth gyrraedd neu archebwch ar-lein i arbed 5%*
- gallwch weld ein hamseroedd agor a'n prisiau isod
- cymerwch olwg ar gyngor iechyd a diogelwch Llywodraeth Cymru cyn ymweld.
*Mae archebu ar-lein yn sicrhau’r pris gorau ar gyfer eich ymweliad.
Gallwch archebu tocynnau hyd at 24 awr cyn eich ymweliad.
Mae prisiau tocynnau ar-lein yn cynnwys gostyngiad o 5%; ni ellir ad-dalu tocynnau a ragarchebwyd.
Oriel
Expand image
Expand image
Expand image
Expand image
Amseroedd agor a phrisiau
Amseroedd agor
| 1st Mawrth - 30th Mehefin | 9.30am–5pm |
|---|---|
| 1st Gorffennaf - 31st Awst | 9.30am–6pm |
| 1st Medi - 31st Hydref | 9.30am–5pm |
| 1st Tachwedd - 28th Chwefror | 10am–4pm |
|
Mynediad olaf 30 munud cyn cau Ar gau 24, 25, 26 Rhagfyr a 1 Ionawr Noder: yn ystod tywydd garw, efallai y bydd angen inni gau’r heneb ar fyr rybudd am resymau iechyd a diogelwch. Edrychwch ar ein sianeli cyfryngau cymdeithasol cyn ymweld er mwyn sicrhau bod y safle ar agor ac yn ddiogel i ymweld â hi.
|
|
Prisiau
| Categori | Price | |
|---|---|---|
| Aelod - Ymunwch rŵan |
Am ddim
|
|
| Oedolyn |
£10.00
|
|
| Teulu* |
£32.00
|
|
| Pobl anabl a chydymaith |
Am ddim
|
|
| Plant (Oed 5-17) / Myfyriwr** |
£7.00
|
|
| Pobl hŷn (Oed 65+) |
£9.00
|
|
|
Tocyn £1 Cadw – i'r rhai sydd ar Gredyd Cynhwysol a budd-daliadau eraill a enwir *2 oedolyn a hyd at 3 plentyn. Mae pob plentyn o dan 5 oed yn cael mynediad am ddim **Mae angen dangos cerdyn adnabod myfyriwr â llun wrth fynd i mewn. Mae deiliaid Cerdyn Golau Glas a Lluoedd Arfog a Chyn-filwyr EM yn derbyn 10% oddi ar dderbyniad unigol (ddim ar gael ar-lein).
|
||
Gwybodaeth i ymwelwyr
Canllaw mynediad
Darllenwch ein canllaw hygyrchedd i gael gwybodaeth am sut i gynllunio eich ymweliad.
Newid cewynnau
Toiled i ddau ryw â chyfleusterau ar y llawr 1af.
Maes parcio
Mae maes parcio'r castell yn rhad ac am ddim ac ar agor yn ystod oriau agor y safle.
Mae yna hefyd dri bae parcio pwrpasol i'r anabl ym mhen uchaf y maes parcio ar yr ochr dde.
Nid yw’r rac beiciau ar gael ar hyn o bryd. Ymddiheuriadau am unrhyw anghyfleustra.
Pwyntiau gwefru coir trydan
Pedwar pwynt gwefru trydan Math 2 (22kW) ar gael — tâl yn daladwy i’w defnyddio
Clyw cludadwy
Mae dolen sain gludadwy ar gael.
Toiledau
Un toiled i'r ddau ryw ar y llawr gwaelod, 25 metr o'r swyddfa docynnau.
Un toiled i ferched ar lawr gwaelod Tŵr y Ffynnon.
Toiled i ddau ryw â chyfleusterau ar y llawr 1af.
Anhawster cerdded
Tirwedd: Lefel 3 — Cymedrol
Trwydded seremoni sifil
Archebion priodas Castell Coch
Ar hyn o bryd ni allwn dderbyn unrhyw archebion priodas yng Nghastell Coch oherwydd bod gwaith cadwraeth hanfodol yn cael ei wneud yn y castell.
Gwiriwch ein lleoliadau seremoni sifil eraill sydd ar gael i’w llogi
Arddangosfa
Mae arddangosfa ar y safle o fewn yr heneb.
Siop roddion
Mae siop ar y safle sy’n cynnig amrywiaeth o gynnyrch a llyfrau.
Taith sain
Mae taith glywedol ar gael sy’n manylu ar hanes y safle.
Llogi Safle
Wi-Fi
Mae WiFi cyhoeddus Cadw ar gael am ddim ar y safle hwn.
Polisi dronau
Darllenwch ein polisi dronau am y wybodaeth ddiweddaraf am hedfan yn henebion Cadw: darllenwch y canllawiau
Dim ysmygu
Ni chaniateir ysmygu.
Ymweliadau ysgol
Er mwyn trefnu ymweliad addysg hunan-dywys am ddim i’r safle hwn, dilynwch y camau syml hyn yn ein adran ymweliadau addysg hunan-dywys.
Tra eich bod ar y wefan, edrychwch ar ein adnoddau dysgu am ddim i’ch helpu chi gyda’ch antur teithio mewn amser!
Iechyd a Diogelwch
Mae’r castell hwn ar fryn, felly rhaid dringo allt i’w gyrraedd o’r mannau parcio canol ac is.
Mae llwybr i gerddwyr yn arwain o'r maes parcio i'r castell ac mae grisiau ar y ffordd.
Gan fod y castell ar goetir hynafol, gall canghennau ddisgyn mewn gwyntoedd cryfion. Bydd y castell yn cael ei gau ar brydiau pan fo stormydd, er diogelwch pawb.
Dim ond ychydig o ystafelloedd sydd i'w gweld ar y llawr gwaelod, mae’r rhan fwyaf o'r castell ar y lloriau uchaf. Mae angen dringo grisiau i gyrraedd yr ardaloedd hyn.
I gyrraedd ystafelloedd uchaf y tŵr rhaid dringo grisiau mewnol troellog a serth. Mae rhai drysau yn isel.
Mae rhai o’r grisiau hanesyddol yn anwastad, a gall eu taldra amrywio o ris i ris. Byddwch yn ofalus ac yn sylwgar wrth grwydro’r tyrau a rhowch ddigon o le i eraill.
Dilynwch y systemau unffordd yn ystod eich ymweliad.
Mae llwybr o amgylch y castell, ond gall fod yn fwdlyd ac yn anwastad. Mae dwy set o risiau ar y llwybr hwn.
Fel gyda phob heneb hynafol mae perygl bob amser i gerrig ddod yn rhydd mewn tywydd gwael. Fodd bynnag, rydym yn rheoli hyn trwy fonitro trylwyr.
Gall dringo arwain at anaf difrifol.
Mae yna nifer o blanhigion a blodau gwyllt, ac er bod y rhain yn beillwyr gwych gallant fod yn wenwynig i ymwelwyr ac anifeiliaid; rydym yn eich cynghori'n gryf i beidio â chyffwrdd na chaniatáu i gŵn fwyta unrhyw lystyfiant.
Gwyliwch ein ffilm iechyd a diogelwch cyn ymweld â safleoedd Cadw.
Iechyd a Diogelwch / Health and Safety
Rhowch wybod am unrhyw ymddygiad gwrthgymdeithasol fel dringo, graffiti ac ati i CadwAccidentsReports@llyw.cymru
Mae’r arwyddion canlynol i’w gweld o amgylch y safle mewn ardaloedd risg allweddol, cymerwch sylw ohonynt lle bo’n briodol.
Camau serth ac anwastad
Wyneb llithrig neu anwastad
Toeau Isel
Cwymp sydyn
Gwyntoedd uchel
Cyfarwyddiadau
Cyfeiriad
Caerdydd CF15 7JS
Ar gyfer contractwyr, ymweliadau addysgiadol a danfoniadau, ffoniwch 02920 810101
Rydym yn croesawu galwadau yn Gymraeg.
Rhif ffôn 03000 252239
E-bost CastellCoch@llyw.cymru
Cod post CF15 7JS
what3words: ///teimla.cochion.gorchuddio
Am fwy o wybodaeth, cysylltwch â: Traveline Cymru ar 0800 464 0000 neu Ymholiadau Rheilffyrdd Cenedlaethol ar 03457 48 49 50.
