Drysau Agored - Gerddi Dyffryn

Yn fangre heddychlon ar gyrion y ddinas, mae Gerddi Dyffryn yn cwmpasu mwy na 55 erw ac yn cynrychioli adferiad uchelgeisiol o ardd Edwardaidd.

Mae’r rhan fwyaf o’r ardd yn Dyffryn yn hygyrch i gadeiriau olwyn, ac fe welwch lawnt enfawr wedi’i hamgylchynu â gwelyau o flodau tymhorol, ac ystafelloedd gardd agos-atoch fel yr ardd Pompeiaidd a’r Pwll Adlewyrchu.

Ewch i’r trofannau yn y tŷ gwydr sy’n llawn tegeirianau, gwinwydd a chacti, a dewch o hyd i goed o bob cwr o’r byd yn yr ardd goed helaeth.

I’r fforwyr ifanc, gallwch fwynhau chwarae yn yr awyr iach yn ardal chwarae naturiol y Log Stack.

Mwynhewch fynediad am ddim i Erddi Dyffryn. Dyma gyfle i’n hymwelwyr selog a’r rhai sydd wedi bod eisiau dod am y tro cyntaf i gael mynediad i’r gerddi yn rhad ac am ddim. Byddwn ar agor rhwng 10am a 6pm, a ni fydd modd archebu ymlaen llaw. Ein hamser prysuraf fydd rhwng 11am–3pm, ac mae lleoedd parcio yn eithaf prin, felly efallai y bydd ciw bychan o geir wrth fynd mewn i’r maes parcio. Cofiwch na chewch fynediad ar ôl 5pm.

Gerddi Dyffryn, Lôn Dyffryn, Sain Nicolas, CF5 6FZ.

Ar y ffordd – o'r M4, cymerwch gyffordd 33 ar hyd yr A4232 (i'r Barri). Gadewch yr ail ffordd ymadael, ac wrth y cylchfan cymerwch y bedwaredd allanfa A48 (i'r Bont-faen). Ym mhentref Sain Nicolas, dilynwch yr arwyddion i Dyffryn
Parcio: Parcio am ddim ar y safle, gan gynnwys mannau hygyrch a phorthladd trydan.
Ar fws – gwasanaeth bws X2 i Sain Nicolas, yna tua 1 milltir (1.6km) o gerdded ar hyd ffordd heb balmant.