Drysau Agored - Eglwys Sant Tudno, Llandudno

Wedi’i lleoli ar lethr gwyntog y Gogarth, ac yn edrych dros y môr, mae eglwys hynafol Sant Tudno yn lle am bererindod, llonyddwch a gweddi. Sefydlwyd yr eglwys gan Sant Tudno yn y 6ed ganrif, gan roi ei henw i dref Llandudno ei hun. Mae’r adeilad presennol yn dyddio o’r 12fed – 15fed ganrif.

Ymhlith nodweddion yr eglwys mae bedyddfaen o’r 12fed ganrif, cloriau bedd o’r 14eg ganrif a cherfiadau o’r 15fed ganrif, tra bod gwydr lliw o oes Fictoria/dechrau’r 20fed ganrif yn cynnwys rhai enghreifftiau gwych o waith y gwneuthurwyr. Mae’r fynwent yn cynnwys llawer o feddau diddorol ac fe’i rheolir i annog bywyd gwyllt.

Mae'r eglwys yn fan addoli gweithgar iawn, gyda gwasanaethau awyr agored yn cael eu cynnal drwy gydol yr haf.

Mae croeso cynnes i ymwelwyr ymuno â'r gwasanaethau awyr agored am 12.30pm ar ddydd Sul 7, 14 a 21 Medi. Ar ôl pob un o'r gwasanaethau hyn, bydd Cyfeillion Eglwys Sant Tudno yn cynnig lluniaeth a byddant ar gael drwy'r prynhawn i siarad am yr eglwys a'r fynwent. Noder, na fydd gwasanaeth ac ati ar ddydd Sul 28 Medi ond bydd yr eglwys yn dal ar agor.

Bydd arddangosfa gelf yn yr eglwys o ddydd Llun 22 i ddydd Iau 25 Medi (gan gynnwys y dyddiau hynny), o 10.30 am – 4.00 pm. Tirluniau dyfrlliw gan R.N. Clarke fydd hyn, a fydd yn yr eglwys i siarad am ei waith.

Bydd yr eglwys hefyd ar agor bob dydd rhwng 10am a 5pm.

Cyfeiriad – Eglwys Sant Tudno, Heol Sant Tudno, Y Gogarth, Llandudno, Conwy.
Cod post agosaf: LL30 2XE. 
Cyfeirnod grid: SH 768837

Mae dau lwybr i yrru neu feicio i Eglwys Sant Tudno, y ddau â rhiwiau serth. 
Llwybr 1 – Ar ben Stryd Mostyn Uchaf, croeswch draw i Heol Tŷ Gwyn ger Gwesty’r Empire. Ewch ymlaen i fyny Heol Tŷ Gwyn, yn syth ar draws y goleuadau traffig, i Orsaf Hanner Ffordd y Dram. Ychydig y tu hwnt i’r Orsaf Hanner Ffordd, trowch i’r dde i mewn i Heol Sant Tudno. Ewch yn eich blaen ar Heol Sant Tudno. (NB. Bydd Mynwent Capel y Gogarth i’w gweld o flaen Eglwys Sant Tudno).
Llwybr 2 – o’r gylchfan ar Rodfa’r Gogledd, cymerwch Ffordd y Cwm Hapus i’r Tollborth a Rhodfa’r Môr. Ewch o amgylch Rhodfa’r Môr heibio’r pentir cyntaf ac mae’r ffordd i Sant Tudno ar y chwith. (NB mae Rhodfa’r Môr yn unffordd ac mae yna doll am yrru ar y ffordd).

Mae’r bws Rhif 26 o Landudno yn aros yng Ngorsaf Hanner Ffordd y Tram a Chopa’r Gogarth, lle ceir teithiau cerdded i lawr allt i’r eglwys.

Mae grisiau i fyny i'r fynwent o'r maes parcio o dan yr eglwys, ond mae mynediad heb risiau yn bosibl trwy Fynwent y Gogarth. Fodd bynnag, ceir llwybr llyfn i lawr o giât y fynwent uwchlaw’r eglwys a lle i un car dynnu i mewn. 

Does dim angen archebu lle.