Drysau Agored - Blocws y Gorllewin

Ceidwad Aberdaugleddau: Diwrnodau Agored Blocws y Gorllewin

Saif Blocws y Gorllewin (West Blockhouse) ar ochr ddeheuol Penrhyn Marloes, gan edrych draw ar olygfeydd godidog o arfordir Sir Benfro. Eleni, bydd yn agor ei ddrysau i’r cyhoedd am y tro cyntaf ers 2015.

Fel arfer, caiff ei osod fel llety gwyliau, ond dyma gyfle i chi ymweld â’r adeilad rhyfeddol hwn, sy’n eiddo i’r Landmark Trust, fel rhan o ŵyl Drysau Agored Cadw. Mae mynediad yn rhad ac am ddim ac mae croeso i bawb. Bydd gwybodaeth ar gael am yr adeilad a'r gwaith a wnaed i’w adfer, yn ogystal â thaflenni gweithgareddau i’r plant.

Byddai’n well archebu lle ymlaen llaw ar Eventbrite, ond mae croeso i alw heibio ar y diwrnod  - West Blockhouse Open Days (landmarktrust.org.uk)

Cyfeiriad – Blocws y Gorllewin/West Blockhouse, Hwlffordd, SA62 3RT.

Dilynwch yr arwyddion Diwrnod Agored ar y safle. Mae’r Blocws mewn lleoliad anghysbell, ar ben ffordd 1km o hyd.
Mae ychydig o leoedd parcio wrth ymyl yr adeilad i bobl sydd â phroblemau symudedd.