Drysau Agored - Cartref Dylan Thomas

Cartref Dylan Thomas, neu’r Boathouse, yw'r adeilad sydd â'r cysylltiad agosaf â'r bardd mawr, Dylan Thomas. Roedd sefydlogrwydd cartref parhaol yn golygu ei fod yn mwynhau adfywiad creadigol yno. Gweithiodd yn y Sied Ysgrifennu uwchlaw’r tŷ, gyda'i golygfeydd rhyfeddol ac ysbrydoledig o dair aber, a gorffennodd rai o'i weithiau gorau yno fel Dan y Wenallt. Er mai dim ond pedair blynedd y treuliodd yno, fe welwch fod y lle’n creu ymdeimlad fel pe bai wedi bod yno am oes, ac fel pe bai ef a'i deulu newydd gamu allan.

Mae angen archebu lle. Bydd dau gyfle i dderbyn tocyn am ddim i ymweld â Chartref Dylan Thomas eleni. Ewch i Amgueddfa Sir Gaerfyrddin ar benwythnos 7- 8 Medi a chofrestrwch eich cyfeiriad e-bost wrth ddesg y dderbynfa i gael tocyn am ddim i Gartref Dylan Thomas. Neu, os yw'n well gennych, ewch i Amgueddfa Parc Howard ar benwythnos 14-15 Medi a chofrestrwch eich cyfeiriad e-bost wrth ddesg y dderbynfa yno a chewch docyn am ddim i Gartref Dylan Thomas hefyd.

Peidiwch ag anghofio dod â'ch tocyn gyda chi i Gartref Dylan Thomas - dim ond ar gyfer y rhai sydd â thocyn dilys y mae mynediad am ddim.

Cyfeiriad - Cartref Dylan Thomas, Rhodfa Dylan, Talacharn, Sir Gaerfyrddin, SA33 4SD.

Cyfarwyddiadau - defnyddiwch god post: SA33 4SY ar gyfer Llywiwr Lloeren. Bydd hyn yn mynd â chi i faes parcio Green Banks. Gwiriwch amserlen y llanw ar gyfer llanw uchel oherwydd gall y maes parcio gael ei orlifo. Mae'n 10 munud o waith cerdded i Gartref Dylan Thomas.
Mae nifer cyfyngedig o seddi ar gael yn yr ystafell de. Mae yna hefyd ardal patio / ystafell de y tu allan lle bydd detholiad o gacennau a diodydd cartref yn cael eu gweini.
Mae mynediad i’r tŷ a’r ystafell de i lawr 40 gris i’r tŷ a 10 gris i’r ardal patio (a allai fod yn heriol i’r rhai â phroblemau symudedd) lle bydd lluniaeth ar gael. 
Nid oes mynediad i gadeiriau olwyn na thoiled i bobl anabl.

Mae Bysiau Cwm Taf yn cynnal gwasanaethau bws rheolaidd o Gaerfyrddin drwy Dalacharn. Gwiriwch yr amserlenni yma:  https://bustimes.org/services/222pendinecarmarthen3