Drysau Agored - Dolbelydr

Wedi'i leoli mewn dyffryn bythol a thawel, mae gan y tŷ bonedd hwn o’r 16eg ganrif lawer o’i nodweddion gwreiddiol, gan gynnwys llawr cyntaf sy’n agored i drawstiau’r to. Mae'r tŷ wedi cael ei gymryd yn ôl i'w ffurf wreiddiol, i adeilad y byddai ei berchennog, Henry Salesbury, yn ei adnabod pe bai’n teithio yn ôl mewn amser i’r 1580au.

“Gweirglodd pelydrau’r haul ” yw un cyfieithiad o’r enw Dolbelydr, sy’n arbennig o wir wrth i chi syllu ar olau’r  haul yn disgleirio ar hyd y ddaear o’r ffenestri myliynog i lawr y dyffryn tawel hwn. Mae yna gegin a man bwyta cynllun agored o flaen lle tân enfawr.

Mae modd dweud bod Dolbelydr, enghraifft wych o dŷ bonedd o'r 16eg ganrif, yn fan geni Cymraeg modern - yma ysgrifennodd Henry Salesbury ei Grammatica Britannica, gramadeg cyntaf y Gymraeg.

Bydd y diwrnodau agored rhad ac am ddim hyn yn gyfle i weld y tu mewn i'r tirnod lleol pwysig hwn, nad yw ar agor i'r cyhoedd yn aml, a dysgu mwy am ei hanes a'r gwaith o’i adfer. 

Bydd Plas Uchaf ar agor am y tro cyntaf ar yr un penwythnos, taith o ryw 40 munud mewn car o Ddolbelydr.

Does dim angen i chi ragarchebu tocynnau.

Cyfeiriad - Dolbelydr, Trefnant, Dinbych, LL16 5AG.
What3words: reforming.uptake.urge

Gall fod ychydig yn anodd dod o hyd i Ddolbelydr. Dilynwch y cyfarwyddiadau hyn a chadwch lygad am arwyddion diwrnod agored:

Ar ôl cyrraedd cyrion Llanelwy, trowch i'r chwith wrth y gylchfan fach (ger yr Eglwys Gadeiriol) a pharhewch ar yr A525 tuag at Drefnant. Wrth y goleuadau traffig ym mhentref Trefnant, trowch i'r dde tuag at y B5428 sydd ag arwydd yn nodi Henllan arno.

(Os ydych chi'n teithio o Ddinbych ar yr A525 trowch i'r chwith wrth y goleuadau traffig ym mhentref Trefnant ar y B5428)

Dilynwch ffordd y B5428 dros groesffordd fach a pharhewch am tua hanner milltir arall. Ar y chwith mae porth a phorthdy bach ac yn syth ar ôl rhain, ar y dde, mae mynedfa Fferm Bryn Wgan (mae arwydd BRYN WGAN ar biler giât dde'r fynedfa).

Trowch i'r dde i lawr y lôn breifat hon a'i dilyn gan agosáu at iard y fferm. Ewch drwy'r giât ar eich ochr dde gyferbyn â choeden dderw fawr er mwyn dilyn y trac i Ddolbelydr.

Sylwer, mae llefydd parcio’n gyfyngedig ar y safle.

Mae grisiau cul a serth ar y safle, gyda llwybr hir sydd â gatiau i gyrraedd yr eiddo.
Mae'r safle yn gwneud popeth o fewn ei gallu i alluogi mynediad lle bynnag y bo modd; I gael rhagor o wybodaeth neu os oes gennych unrhyw bryderon am fynediad yr hoffech eu trafod cyn ymweld, cysylltwch â'r tîm Ymholiadau Archebu ar 01628 825925 neu booking@landmarktrust.org.uk. Mae'r Swyddfa Archebu ar agor o ddydd Llun i ddydd Gwener 9am tan 5pm.