Drysau Agored - Sant Mihangel a'r Holl Angylion, Machen Isaf

Mae Eglwys Machen Isaf yn drysor cudd, wedi'i lleoli o fewn pellter teithio hawdd o Gaerdydd a Chasnewydd. Mae Cadw’n ei disgrifio fel lle rhyfeddol, a gellir ystyried yr eglwys hon ymysg y 10% uchaf o adeiladau pwysicaf Cymru a Lloegr. Yn dyddio o 1102, mae'n un o'r adeiladau eglwysig hynaf yn hen sir Fynwy. Mae Capel Morgan yn adeilad Gradd II* o'r 18fed ganrif a dyma fan claddu teulu cefnog y Morganiaid o Machen, Rhiw’r-perrai, ac yn ddiweddarach Tredegar. Ynghyd â'r cofebau godidog yn y capel, ceir hefyd y casgliad mwyaf o arfbeisiau mewn unrhyw eglwys yng Nghymru. Yn ystod y blynyddoedd diwethaf mae'r eglwys wedi cael gwaith sylweddol i'r to, Capel Morgan a thŵr y gloch o’r 15fed ganrif, fel bod yr adeilad unigryw a hardd hwn yn cael ei gadw ar gyfer cenedlaethau'r dyfodol.

Archif Luniau Cofio Machen - hyd at 3000 o ddelweddau yn cofnodi hanes Machen (trwy garedigrwydd Gwasanaeth Llyfrgell CBS Caerffili) Arddangosiadau Ffydd mewn Natur Cofnodion Plwyf yn dyddio o 1670 hyd heddiw - ymchwiliwch i hanes eich teulu Arteffactau o'r fynwent a'r ardal o amgylch Machen Isaf a Draethen, mor bell yn ôl â'r cyfnod Rhufeinig Llyfrau canllaw Teithiau clyweledol hunan-dywys ar eich ffôn clyfar

Dim angen archebu.

Cyfeiriad – Sant Mihangel a’r Holl Angylion, Machen Isaf, Casnewydd , Gwent, NP10 8GU.

Mae'r eglwys 100 llath i'r gogledd o ffordd yr A468 o Gasnewydd i Gaerffili yn ne Cymru. Mae arwydd brown ar gyfer yr eglwys ar y ffordd i Machen Isaf.

Darperir trafnidiaeth gyhoeddus gan bws rhif 50.

Mae digon o fannau parcio y tu allan i'r eglwys.