Drysau Agored - Archifdy Powys

Mae Archifdy Powys, sydd wedi'i leoli yn Llandrindod, yn gwasanaethu fel ystorfa swyddogol cofnodion sir Powys (Sir Drefaldwyn, Sir Faesyfed a Sir Frycheiniog). Mae ein casgliadau yn dyddio o’r bedwaredd ganrif ar ddeg a gellir eu defnyddio ar gyfer pob math o ymchwil, gan gynnwys olrhain hanes eich teulu, darganfod hanes eich tŷ, a dod i wybod mwy am hanes eich pentref neu gymuned.

Dewch hefyd ar daith y tu ôl i’r llenni i’r archifdy sy’n gartref i tua 100,000 o eitemau unigol sy’n gysylltiedig â Sir Drefaldwyn, Sir Faesyfed a Sir Frycheiniog. Archwiliwch rai o’r eitemau diddorol gan gynnwys yr hynaf (gweithred sy’n gysylltiedig â thref Maesyfed sy’n dyddio o 1318), cardiau Nadolig Fictoraidd, llyfrau cyhuddiadau’r heddlu, coflyfrau ysgolion ac albymau lluniau. Bydd lluniaeth ar gael ar ôl y daith.

Mae angen archebu lle ar gyfer y teithiau. Cynhelir y teithiau am 10.30am ac am 11.30am. 
Ffoniwch 01597 826088 neu anfonwch e-bost at archive@powys.gov.uk i archebu lle.

Archifdy Powys, Uned 29 Parc Menter, Heol Ddole, Llandrindod, Powys, LD1 6DF. 

Mae maes parcio ar y safle, gyda rhai llefydd parcio gorlif ar gael ar Ddole Road.