Drysau Agored - Tafarn Guildhall, Dinbych

Mae'r adeilad tri llawr hwn o'r 17eg ganrif yn cynnwys dau adeilad ar wahân gyda chwrt cefn sy’n cynnwys cyn-stordŷ cerbydau. Fe’i hadwaenwyd fel y Bull Hotel ers 1830au, ac mae’r enwau blaenorol yn cynnwys y Black Bull a’r Guild Hall Tavern (enw sydd bellach wedi’i ailfabwysiadu). Yn ystod y gwarchae ar Gastell Dinbych, (yn ystod y Rhyfel Cartref) credir mai dyma bencadlys y cadfridog. Mae grisiau cilfach cain (C17) yn codi uchder llawn i lawr yr atig, ac mae'r menig cerfiedig sydd i’w gweld ar bob un o'r pyst grisiau yn ein hatgoffa bod Dinbych yn ganolfan flaenllaw yn y fasnach fenig yn y G16 a'r G17.

Bydd Penwythnos Drysau Agored Dinbych 2024 yn dechrau ddydd Gwener 20 Medi 2024, gyda darlith ddaeareg gyda'r hwyr yn Theatr Twm o'r Nant. Dros y deuddydd canlynol, dydd Sadwrn 21 a dydd Sul 22 Medi 2024 rhwng 10am a 5pm, bydd tua deg ar hugain o safleoedd hanesyddol pwysig yr ardal ar agor i'r cyhoedd, a bydd gweithdai plant a theithiau tywys yn cael eu cynnal hefyd. Bydd gwasanaeth archebu ar gyfer y safleoedd/gweithdai a theithiau tywys yn cynnig nifer cyfyngedig o leoedd ar gael trwy Lyfrgell Dinbych, yn nes at ddechrau’r penwythnos.
Bydd rhagor o wybodaeth ar gael yma - 
www.visitdenbigh.co.uk/cymraeg/
https://twitter.com/OpenDoors_D
https://www.facebook.com/opendoorsdenbighshire/

Does dim angen archebu lle.

Hall Square, Dinbych, LL16 3NU.

///What3Words:
(Eng) ///node.relatives.stilted
(Cym) ///argraffydd.golygus.garddwr