Teithiau Abaty Glyn y Groes

Dechreuwyd adeiladu'r Abaty yn 1201. Wyth canrif yn ddiweddarach ac mae'r abaty yn un o'r rhai sydd wedi goroesi orau yng Nghymru.

Mae hyd yn oed pwll pysgod y mynachod yn dal i fod yn llawn dŵr! Wynebodd Abaty Glyn y Groes gyfnodau anodd; dioddefodd dân difrifol a bu'n destun ymosodiadau niferus ond aeth ymlaen i ennill enw da am ei werthfawrogiad o'r celfyddydau llenyddol. Yn 1535, nodwyd mai'r abaty oedd yr ail fynachdy Sistersaidd mwyaf cyfoethog ar ôl Tyndyrn. Serch hynny, ni pharhaodd y cyfoeth a'r lletygarwch newydd hwn yn hir. Diddymwyd Glyn y Groes drwy archddyfarniad brenhinol yn 1537.

Teithiau bob dydd am 11am a 2pm.

Ffordd: Ar yr A542 o Langollen, tua 2 filltir/3km. Rheilffordd: 11 milltir/18km Wrecsam, llwybr Caer - Wrecsam/Amwythig. Bws: 2.5 milltir/4km Bridge End Hotel Llangollen, llwybr Rhif X5 Wrecsam - Llangollen.